«Jol jabyldy»: Almaty oblysynda muǵalimder jalǵan aqparat taratqan
TALDYQORǴAN. QazAqparat - Almaty oblysynda mektep muǵalimderi Ótegen batyr kentine baratyn kólik joldary jabylady degen jalǵan aqparat taratqan, dep habarlaıdy QazAqparat tilshisi.
Almaty oblystyq prokýratýrasynyń málimetinshe, WhatsApp messendjerinde Іle aýdany Ótegen batyr kentiniń №13 orta mektebiniń bastaýysh synyp muǵalimderi Baıserke aýylynan Ótegen batyr kentine koronavırýs indetiniń taralýy sebebinen kólik joldary jabylady degen jalǵan aqparat taratqan.
Shyndyqqa janaspaıtyn aqparatty taratýshylar 28 naýryzda anyqtalyp, Іle aýdany Polıtsııa basqarmasyna jetkizildi. Olarmen profılaktıkalyq jumystar júrgizildi. Kináli tulǵalar istegen is-áreketterine ókinetinderin bildirdi.
Osyǵan baılanysty, Almaty oblysy prokýratýrasy azamattardy úreıge berilmeýge, sabyrlyq tanytýǵa, jalǵan habarlamalardy taratpaýǵa shaqyrady.
Barlyq aqparat quzyrly organdardyń resmı resýrstarynda jarııalanyp otyrady.
Jalǵan aqparat taratqan úshin qylmystyq jaýapkershilik kózdelgenin quzyrly organdardyń qyzmetkerleri qatań eskertedi.
