Jol jabylýyna baılanysty óńirler arasynda 13 poıyz júretin boldy
ASTANA. KAZINFORM – QTJ tas joldardyń jabylýyna baılanysty jolaýshylardy tasymaldaý úshin 13 poıyzdy iske qosqanyn habarlady.
- Qolaısyz aýa raıy saldarynan tas joldarda ýaqytsha qozǵalys shekteýleri engizilýine baılanysty QTJ óńirler arasyndaǵy kólik qatynasynyń qoljetimdiligin qamtamasyz etý jáne jolaýshylardy tasymaldaýdy uıymdastyrý maqsatynda 13 qala mańyndaǵy poıyzdy taǵaıyndady, - delingen habarlamada.
Jolaýshylardy tasymaldaý úshin tómendegi qala mańyndaǵy poıyzdar qatynaıdy:
Astana – Pavlodar baǵyty boıynsha:
• №7502 Astana – Pavlodar
• №6832 Astana – Pavlodar
Pavlodar – Astana baǵyty boıynsha:
• №7501 Pavlodar – Astana
• №7509 Pavlodar – Astana
Astana – Jaltyr / Atbasar baǵyty boıynsha:
• №6804 Atbasar – Astana
• №6831 Astana – Jaltyr
Astana – Kókshetaý baǵyty boıynsha:
• №7515 Astana – Kýrort Býrabaı
• №6830 Kókshetaý – Astana
• №7508 Kókshetaý – Astana
• №7516 Kýrort Býrabaı – Astana
Astana – Qaraǵandy baǵyty boıynsha:
• №6858 Astana – Qaraǵandy
• №6856 Astana – Qaraǵandy
Qaraǵandy – Astana baǵyty boıynsha:
• №7553 Qaraǵandy – Astana
- Qolaısyz aýa raıy jaǵdaıynda temirjol kóligi eń senimdi ári qaýipsiz qatynas túrleriniń biri bolyp qala beredi. QTJ jolaýshylardyń qaýipsizdigi men jaılylyǵyn qamtamasyz etýge baǵyttalǵan barlyq qajetti sharany qabyldap, azamattardy saparlaryn josparlaý kezinde aýa raıy jaǵdaılaryn eskerýge shaqyrady, - dedi «Qazaqstan temir joly» UK» AQ baspasóz qyzmetinen.
Aıta keteıik, Pavlodar jáne Qaraǵandy oblystarynda aýa raıynyń qolaısyzdyǵyna baılanysty joldar jabyldy.