Jol ústinde 29 shildi atyp alǵan jigit eki jylǵa sottalýy múmkin
ASTANA. QazAqparat - Pavlodarlyq tártip saqshylary zańsyz 29 shil qusyn atqan 25 jastaǵy azamatty ustady, dep habarlaıdy pavlodarnews.kz.
Oblystyq ІІD baspasóz qyzmetiniń málimetinshe, jol-patrýldik polıtsııa rotasynyń tártip saqshylary "Pavlodar-Sharbaqty" avtojolynda «Mercedes-benz» markaly kólikti toqtatyp, tekserý barysynda "MR-153" qarý men jabaıy qustardy anyqtaǵan.
«Ustalǵan azamattar jol ústinde bir top qusty kórip qalǵan. Budan keıin er adam kólikten myltyǵyn alyp shyǵyp, qustardy ata bastaǵan da oljasyn kólikke salyp alǵan. Onyń ańshylyq jasaýǵa ruqsat berilgen qujattary bolmaǵan. Quryqtalǵan azamatqa qatysty QR QK-niń 337-baby, 3-bólimi boıynsha sotqa deıingi tergeý bastaldy. Osy bapqa sáıkes ol eki myń AEK kóleminde aıyppul tóleýi nemese eki jylǵa bas bostandyǵynan aıyrylýy múmkin», - dedi baspasóz qyzmetinde.
Aıta keterligi, 2016 jyly 15 qańtardan bastap jabaıy qustardy aýlaý maýsymy jabylǵan. Buǵan qosa, avtojol tósemesine jaqyn aýmaqta ańshylyq qurýǵa zańmen tyıym salynǵan.
