Astanada Máńgilik El dańǵyly men Kereı, Jánibek kósheleriniń bir bóligi jabylady
ASTANA. KAZINFORM — Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn Máńgilik El dańǵyly men Kereı, Jánibek kósheleriniń qıylysynda jol tósemin jóndeý jumystaryn júrgizý týraly habardar etti.
— Osyǵan baılanysty 5 jáne 6 shilde kúnderi bul ýchaske ishinara jabylatyn bolady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen basqarmanyń habarlamasynda.
Eske sala keteıik, Astanada Syǵanaq kóshesiniń Aqmeshit kóshesinen Qabanbaı batyr dańǵylyna deıingi ýchaskesinde asfaltbeton jabynynyń joǵarǵy qabatyn tóseý jumysy júrgiziletindikten, ishinara jabylady.
Open Air kontsertine baılanysty «Astana Arena» mańynda kólik qozǵalysy shekteledi.
