Jol tártibin saqtamaı, qomaqty aıyppul tóleıtin boldy - BQO
ORAL. QazAqparat - Bórli aýdandyq soty talapker T-nyń materıaldyq shyǵynnyń ornyn toltyrý týraly talap aryzyn qanaǵattandyrdy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, jaýapker K. ótken jyldyń 5 tamyzynda saǵat 20.04 shamasynda kólik quralyn basqarý quqyǵy bolmasa da, avtokólik rýline otyrǵan. Aqsaı qalasy 10-shaǵynaýdanyndaǵy №8 úı janynda «VAZ-21140» avtokóligin artqa qaraı shegindiremin degende, «Toyota Land Cruiser 200» kóligimen soqtyǵysýyna jol bergen. Sonyń saldarynan atalmysh kólik ıesine 484483 teńge materıaldyq shyǵyn keltirgen.
Sot qaýlysymen jaýapker QR Ákimshilik quqyqbuzýshylyq kodeksi 610-baby 3-bóligi boıynsha aıypty dep tanylyp, oǵan 484483 teńge kóleminde aıyppul salyndy.
Sot sheshimi zańdy kúshine engen joq.
