Jol sapasyna jaýapty tulǵalar jaýapkershilikten qutylyp ketedi- Agenttik

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi elimizdiń joldarynyń sapasyna jaýapty tulǵalardyń jaýapkershilikten jaltaryp ketip júrgeni týraly aıtty, dep habarlaıdy QazAqparat tilshisi.

«Joldardy salý, jańǵyrtý jáne jóndeý barysyndaǵy sapanyń buzylýyna qarsy áreket etýdiń laıyqty sharalarynyń bolmaýy ózekti problemaǵa aınalyp otyr. Barlyq ınspektsııalyq tekserler barysynda buzýshylyqtardyń anyqtalǵandyǵyna qaramastan jaýapty tulǵalar jaýapkershilikke tartylmaıdy», - dedi QR Sybaılas jemqorlyqqa qarsy is-qımyl agenttigi Preventsııa departamenti dırektorynyń mindetin atqarýshy Anar Jarova avtomobıl joldary salasyndaǵy problemalar talqylanǵan keńeste.

Onyń atap ótýinshe, «QazAvtoJol» ulttyq kompanııasy fılıaldaryn tekserý qorytyndysynda usynystar engiziledi. Alaıda bul usynystar kóp jaǵdaıda «múmkindikteri qarastyrylsyn» degen buryshtamamen qur qaǵazy kúıindeqalyp jatady.

«Osylaısha merdiger men tehnıkalyq qadaǵalaý qyzmetine áser etýge baǵyttalǵan laıyqty sharalar qabyldaý máselesi fılıaldardyń qaraýyna túsedi. Bul quqyqqa qaıshy áreketterge jaǵdaı jasaı otyryp, ınspektsııalyq tekserýdiń aldyn alý rólin tómendetedi», - dedi Anar Jarova.