Jol sapasyna narazy Almaty oblysynyń turǵyndary trassany jaýyp tastady

QONAEV. QazAqparat - Almaty oblysyndaǵy Kegen jáne Raıymbek aýdandarynyń turǵyndary respýblıkalyq mańyzy bar joldy jaýyp tastady, dep habarlaıdy QazAqparat tilshisi.

Osy jaıtqa baılanysty Almaty oblysynyń ákimdigi túsinik berdi.

«Kókpek – Kegen – Túp» avtomobıl jolynyń 57-shaqyrymynda Kegen jáne Raıymbek aýdandarynyń turǵyndary jınalyp, jol sapasyna narazylyq bildirgen. Turǵyndarmen kezdesýge Kegen aýdanynyń ákimi Talǵat Baıedilov, «QazAvtoJol» UK» AQ Almaty oblysy fılıalynyń ókilderi keldi.

Jınalǵan halyq byltyr bastalǵan joldy jóndeý jumystary aıaqsyz qalǵanyn alǵa tartyp, shaǵymdaryn jetkizdi.

«Respýblıkalyq joldyń qurylysyna salǵyrt qaraǵan merdiger mekeme jozyqsyz dep tanylyp, 22 shildede memlekettik konkýrs jumystary taǵy bastaldy.

Qazavtojol ókilderiniń sózinshe, negizgi jumys bastalǵanǵa deıin jol greıdermen tegistelip otyrady. Bul sheshim turǵyndardyń talabyna saı keledi.

Sondaı-aq «QazAvtoJol» ókilderi konkýrstyq jumystar aıaqtalyp, negizgi jol qurylysy tamyz aıynyń ortasynda bastalatynyn aıtty», - delingen Almaty oblysy ákiminiń baspasóz qyzmeti taratqan habarlamada.