Jol sapasyna qatysty 3,9 myń olqylyqtar anyqtalǵan

NUR-SULTAN. QazAqparat – QR Indýstrııa jáne ınnovatsııalyq damý mınıstrligi Avtomobıl joldary komıteti Jol aktıvteri sapasynyń ulttyq ortalyǵy elimizdegi jol qurylysy, qaıta jańartý jáne jóndeý jumystaryn saraptaýdy jalǵastyryp keledi.

Bıylǵy 6 aıda ortalyq mamandary eldegi joldarǵa 5647 ınspektsııalyq tekserý júrgizgen, dep habarlaıdy QazAqparat.

«Respýblıkalyq mańyzy bar avtomobıl joldaryna 3732 ınspektsııalyq tekserý, al jergilikti joldardyń jelisine 1915 tekserý jasalǵan. Nátıjesinde Jol aktıvteri sapasy ulttyq ortalyǵynyń qyzmetkerleri jol salýda 3,9 myń olqylyqty anyqtady, jol-qurylys materıaldarynyń 9 myń synamasyn alyp, synaqtan ótkizdi», delingen baspasóz baıanynda.

Budan bólek, osy jyldyń alǵashqy jartyjyldyǵynda joldardyń 2442 shaqyrymy quraldyq dıagnostıkadan, 1457 shaqyrymy jol ýchaskeleriniń kepildi monıtorınginen ótkizildi. Jol aktıvteri ulttyq sapa ortalyǵynyń Nur-Sultan fılıaly júzden astam tekserý júrgizip, birqatar kemshilikti anyqtady. Merdigerlerge tıisti nusqaýlyqtar berildi.

Jalpylaı alǵanda, 2020 jyly Qazaqstanda joldardaǵy jumystar men qurylys materıaldarynyń sapasyn saraptaý aıasynda el joldaryna 6700 ınspektsııalyq tekserý jasalsa, joldardyń 11680 shaqyrymy quraldyq dıagnostıkadan, 4665 shaqyrymy kepildi ýchaskeleriniń monıtorınginen ótpek.