Jol sapasyn jaqsartý baǵytynda jańa tásil pysyqtaldy - komıtet
ASTANA. QazAqparat – Joldar boıynsha atqarylǵan jumystar men materıaldardyń sapasyna qatysty saraptama búkil respýblıkalyq jelini qamtıdy. Bul týraly Indýstrııa jáne ınfraqurylymdyq damý mınıstrligi Avtomobıl joldary komıteti tóraǵasynyń orynbasary Amangeldi Bekov aıtty, dep habarlaıdy QazAqparat tilshisi.
«Jol jóndeý jumystarynyń sapasyna jáne avtojoldardyń búgingi jaı-kúıin dıagnostıkalaýǵa basa mán berilip otyr. Respýblıkalyq joldar boıynsha atqarylǵan jumystar men materıaldardyń sapasyna jasalǵan saraptama respýblıkalyq bıýdjet esebinen qarjylandyrylady jáne búkil jelini tolyqtaı qamtıdy. Budan bólek, ákimdiktermen birlese jergilikti mańyzy bar joldar, sondaı-aq eldi meken kóshelerine qatysty saraptama jasaý is-sharalary qamtylǵan. Avtomobıl joldarynyń sapasyn jaqsartý maqsatynda salany reformalaý jolymen jańa tásil pysyqtaldy», - dedi A. Bekov Ortalyq kommýnıkatsııalar qyzmetindegi baspasóz máslıhatynda.
Osy oraıda ol zańnamaǵa birqatar túzetý engizilgenin eske saldy. Máselen, Ulttyq sapa ortalyǵyna eldi meken kóshelerin jóndeýge qatysty vedomstvolyq saraptama júrgizý ókilettigi berildi. Óıtkeni turǵyndar shaǵymdarynyń basym bóligi eldi meken kóshelerindegi joldarynda júrgizilgen jóndeý sapasyna qatysty bolyp otyr.
Budan buryn habarlanǵandaı, 2023 jyldyń qorytyndysy boıynsha normatıvtik jaǵdaıdaǵy joldardyń úlesi respýblıkalyq jeli boıynsha 92 paıyzǵa jáne jergilikti jeli boıynsha 87 paıyzǵa deıin jetkizilmek.
Jyl aıaǵyna deıin «Ortalyq – Ońtústik» dálizi boıynsha jol ýchaskeleri ashylady.
Jol boıyndaǵy qyzmet kórsetý nysandaryn salýǵa jer berý rásimi jeńildetiledi.
