Jol sapasyn baqylaý: Almatyda 17 tonna asfalt zaýytqa qaıtaryldy

ALMATY. QazAqparat - Almatyda jol jóndeý jumystaryna monıtorıng júrgizý kezinde zań buzýshylyqtar anyqtaldy. Bul týraly qala qurylysyn baqylaý basqarmasynan málim etti, dep habarlaıdy QazAqparat tilshisi.

«Ótken aptada bizdiń ınspektorlar Vıtebskaıa kóshesi boıynda «ál-Farabı» dańǵylynan bastap júrgizilip jatqan jumysty tekserdi. Nátıjıesinde qoldanyp jatqan materıaldyń temperatýrasy normaǵa sáıkes kelmeıtini anyqtaldy. Sol sebepti, merdiger kompanııa zaýytqa 10 tonnadan astam asfaltty qaıtarýǵa májbúr boldy. Sonymen qatar, Sátbaev kóshesiniń boıymen Vesnovka ózeniniń jaǵasynda júrip jatqan jol jóndeý jumystarynan da shıkilik shyqty. Munda merdigerler jaıaý júrginshiler jolyn jańartý kezinde irgetas daıyndamaǵan. Jumysshylar kópirdiń astynda ornalasqan tozyǵy jetken temirbeton plıtalarynyń ústine asfalt tósemekshi bolǵan», - dep habarlady qala qurylysyn baqylaý basqarmasynan.

Sondyqtan, asfalt tóseý jumystary ýaqytsha toqtatyldy jáne 7 tonna asfalt zaýytyna qaıtaryldy.