Jol salýǵa qatysty 14,6 mlrd teńgeniń tenderinen bylyq shyqty

NUR-SULTAN. QazAqparat – «ABK-Avtodor NS» JShS men «Kazahdorstroı» JShS arasyndaǵy avtomobıl joldaryn salý jáne jóndeý qyzmetterin satyp alý boıynsha konkýrstardaǵy baǵalardy qoldaý bóligindegi karteldik sóz baılasý faktisi boıynsha tekserý aıaqtaldy. Bul týraly QR Básekelestikti qorǵaý jáne damytý agenttigi Nur-Sultan qalasy boıynsha departamentiniń baspasóz qyzmeti habarlady.

Tenderlerdiń jalpy somasy - 14,6 mlrd teńgeni qurady.

«ABK-Avtodor NS» JShS jáne «Kazahdorstroı» JShS memlekettik satyp alýǵa qatysty, onyń biri satyp alýdy eń joǵary yqtımal baǵa boıynsha ótti dep taný úshin ekinshisine jalǵan básekelestik týdyrǵany anyqtaldy.

Shema bylaısha jumys istedi: «ABK-Avtodor NS» JShS jáne «Kazahdorstroı» JShS básekelestik kúres kórinisterinsiz, bastapqy baǵaǵa teń ne eń az tómendetýmen baǵany usyna otyryp, bir-birine jalǵyz básekeles boldy.

Sýbektilerdiń áreketteri monopolııaǵa qarsy zańnamanyń erejelerin buzyp qana qoımaı, bıýdjet qarajatyn únemdeýdi de joıady.

Bul quqyq buzýshylyqtardy monopolııaǵa qarsy organ memlekettik satyp alý portaly monıtorınginiń qorytyndylary boıynsha anyqtady.

Qazirgi kezde tergep-tekserýler obektileri tergep-tekserý nátıjesine sotqa shaǵym jasap jatyr.