Jol salý jumystaryn sapaly da ýaqtyly bitirý kerek - BQO ákimi
ORAL. QazAqparat - Qazirgi qolaıly aýa raıyn paıdalana otyryp, jol salý jumystaryn sapaly da ýaqtyly bitirý kerek.
Bul týraly Zelenov jáne Tasqala aýdandarynda jumys saparymen bolǵan oblys ákimi Altaı Kólginov málim etti, dep habarlaıdy «QazAqparat» tilshisi.
Oblys ortalyǵymen qatar aýdandardyń ınfraqurylymyn arttyrýǵa az qarjy bólinip otyrǵan joq. Mysaly, Zelenov aýdanynyń ınfraqurylymyn jaqsartýǵa bıyldyń ózinde 3 mıllıardtaı teńge bólindi. Kúni búgin aýdan ortalyǵy Peremetnyıda 160 oryndyq dene shynyqtyrý-saýyqtyrý kesheni boı kóterýde. Qarasha aıynda aıaqtalýy kózdelip otyrǵan keshen qurylysyna 280 mln teńge bólingen, munda qazir 52 adam jumys jasaýda. Qurylysta tolyqtaı jergilikti materıal paıdalanylýda.
Sol sekildi Derkól ózeni boıynda salynyp jatqan sý qoımasynyń qurylysy bitkennen keıin sýdy tehnıkalyq maqsatta keńinen paıdalanýǵa jol ashylady. Bul aýyl sharýashylyǵyn damytýmen birge baý-baqsha daqyldaryn ósirýge múmkindik beredi.
Qurylys jumystarynyń barysymen tanysqan óńir basshysynyń atap ótkenindeı, sonymen qatar aýdanda Darııan aýylynda 100 oryndyq ınternatymen 300 oryndyq jańa mektep salynýda. Osy aýylda mádenıet úıi kúrdeli jóndelýde. Darııan-Kırsanov baǵytyndaǵy jol qurylysy da aıaqtalyp qaldy.
Óńirde Elbasy tapsyrmasyna sáıkes «Nurly jol» baǵdarlamasy aıasynda Oral-Tasqala-RF shekarasy baǵytyndaǵy respýblıkalyq mańyzy bar jol qaıta salynyp jatqany belgili. Onyń jalpy uzyndyǵy 104 shaqyrym bolsa, bıyl jol Tasqala aýylyna deıin jetedi. Sonda aldaǵy jylǵa shekaraǵa deıingi 18 shaqyrym jol bóligi qalady. Bıyl bul maqsatqa 9,5 mlrd teńge bólingen.
«Bıyl oblysta 500 shaqyrymnan astam avtojoldy jóndeýge, qaıta salýǵa 36,5 mlrd teńge bólingen. Ótken jyly 290 km jol retke keltirilgen bolatyn. Osynyń bári - memlekettiń qoldaýynyń arqasy. Oral-Tasqala jolynyń strategııalyq mańyzy erekshe, óıtkeni osy jol arqyly Reseı qalalaryna shyǵa alamyz. Sondyqtan joldyń sapasy men qurylys jumystarynyń merziminde aıaqtalýyna aıryqsha mán berý kerek. ıAǵnı aýa raıynyń ashyq-jaryq kezin tıimdi paıdalanyp, bárin salqyn túskenshe bitirý qajet», dedi Altaı Kólginov.
Bıyl aýylishilik joldar da jóndelýde. Sonyń bir mysalyn Tasqala aýylynan kórýge bolady. Aýdan ákimi Sanjar Álıevtiń sózine qaraǵanda, aýdan ınfraqurylymyn damytýǵa 1,3 mlrd teńge qaralǵan. Osy qarjyǵa Tasqala aýylynda alty birdeı kóshe joly jóndelýde. «Nurly jol» baǵdarlamasy aıasynda úsh eldi meken men aýdan ortalyǵynyń segiz kóshesi ortalyqtandyrylǵan sý kózine qosyldy.
Óńir basshysy osyndaı saparlar kezinde qurylys jumystarynyń barysy tekserilip qana qoımaı, aldaǵy jyly atqarylatyn jumystardyń da pysyqtalatynyn jetkizdi.
