Jol salý barysynda jańa tehnologııa áli qoldanylmaı keledi - Elbasy

ASTANA. 11 qazan. QazAqparat - Jol salý barysynda jańa tehnologııa áli qoldanylmaı keledi. Búgin Aqordada elimizdiń ótken 9 aıynyń damý qorytyndylaryna arnalǵan Úkimettiń keńeıtilgen otyrysynda Kólik jáne kommýnıkatsııalar mınıstrliginiń jumysyn synǵa alǵan Memleket basshysy Nursultan Nazarbaev osylaı málim etti.

«Jaqynda Reseıde Qazan-Máskeý kúre joly temirbotyndy jabynnyń jańa tehnologııasyn qoldaný arqyly salynyp jatqanyn bildim. Salý merzimi bar-joǵy eki jyl, quny úsh esege deıin arzandaıdy. Al bizde keshe salynǵan jolǵa jóndeý kerek bop tur. Basqasyn aıtpaǵanda, Astananyń ózinde osy. Nátıjesinde, jol sapasy jónindegi álemdik reıtıngte 140 eldiń ishinde 117-orynda turmyz. Mine, bizge berilgen baǵa», - dedi Elbasy jıyn barysynda.

Osyǵan oraı, Memleket basshysy Kólik jáne kommýnıkatsııalar mınıstriniń jumysyn synǵa alyp, qomaqty soma jol salýǵa jumsalyp jatqanyn, alaıda onyń nátıjesi tıisti deńgeıde emes ekenin atap ótti.