Jol salasyna kezdeısoq kelgen joqpyn - Vadım Bıkın
Vadım Bıkınniń jolshy bolýyna dál osy salada jumys istegen anasy áser etipti. Alaıda, soǵan qaramastan eshteńe ońaı jolmen kele salǵan joq deıdi keıipkerimiz.
Ol óziniń eńbek jolyn qarapaıym jol jumysshysy bolyp bastaǵan. Budan soń pesh jaǵýshy jáne júrgizýshi bolyp jumys istegen.
Al búginde adal eńbeginiń arqasynda Vadım JPÝ-67 basshysy. Tolyǵyraq kelesi beınematerıaldan kóre alasyzdar.
Jolshy jumysynda qaǵazbastylyq deńgeıi joqqa teń. Tańerteńnen bastap búkil Jol paıdalaný bólimderinen aqparat jınalady, bul joldardaǵy jaǵdaı, aýa raıy, tehnıka men brıgadalardyń daıyndyǵy.
Osydan keıin munyń barlyǵy jol sheberlerimen birlesip óńdelip, belgili bir jumystar boıynsha sheshim qabyldanady. Barlyq aqparat tirkelip dıspetcherlik qyzmetke beriledi.
Vadım Bıkın, JPÝ bastyǵy-67:
«Qysta jumys qarqyny joǵary, jolda, jol jıekterinde, avtopavılondarda, demalys alańdarynda qarmen kúresemiz. Jolǵa kóktaıǵaqqa qarsy materıaldar sebemiz. Qar basý qaýpi joǵary aımaqtardy aldyn ala anyqtap, qar qalqandaryn, qardan qorǵaıtyn transheıalardy ornatý syndy jumystardy júzege asyramyz. Jumys barysynda qar qursaýynda qalyp ketken paıdalanýshylardy qutqarý jumystaryn jasaýǵa da týra keledi. Olardyń kólikterán jyly bokstanǵa alyp baryp, janar maıy qatyp qalsa ne maıda shúıde jóndeý jumystary qajet bolsa onymende kómek berip jatamyz. Qajet bolsa, júrgizýshiler men jolaýshylardy ózimizdiń jylytý pýnktine ornalastyramyz. Osy oraıda, paıdalanýshylardan jolda shekteý ornatylǵanda nemese daýyldy eskertý jarııalanǵanda alys sapardan bas tartý laryn suraımyz. Sebebi shekteýdi saqtamaı jolǵa shyqqan jolaýshylar, bizdiń tezdedip joldy tazalap nemese onyń kidirmeı ashylýyna jáne tehnıkanyń jumysyna kedergi keltiredi».
Jumys jolyn Vadım, eń qarapaıym jol jumysshysy bolyp bastap, úlken jetistikterge jetti. Ár kezderi, jol jumysshysy, sheber, mehanızator, bolyr jasaǵan.
Keıin joǵary oqý ornyna túsip, 2004 jyly Soltústik Qazaqstan ýnıversıtetin tamamdaǵan soń, JPÝ-ǵa birinshi sanattaǵy mehanık laýazymyna kelip ornalasqan.
Osylaısha 15 jyl jumys istedi. Al 2019 jyldyń 1 aqpanynan bastap 67 jol paıdalaný ýchaskesiniń bastyǵy bolyp taǵaıyndaldy jáne osy ýaqytqa deıin osy laýazymda jumys jasaýda.
Vadım Bıkın, DEÝ bastyǵy-67:
«Meniń anam jolshy bolǵan, Qazaqavtojol qurylǵannan beri 2012 jylǵa deıin osy jol paıdalaný ýchaskesin basqaryp, osy jerden zeınet demalysyna shyqqan. Ol kisi maǵan kishkentaıymnan jolshy mamandyǵyna degen súıispenshilikti serik etti. Men árqashan anamnyń izimen júrýdi armandaıtynmyn. Óıtkeni, jolshy óte abyroıly mamandyq ıesi. Ózimi bala kezimde maqsat qoıyp, oǵan qaraı úzdiksiz júrip otyrdym».
Elimizdiń negizgi ekonomıkalyq jáne strategııalyq mańyzdy obektileriniń jumysy, №67 jol paıdalaný ýchaskesi qyzmetkerleriniń jaýapkergiligine baılanysty.
Sebebi, aımaq Reseı Federatsııasymen shektesedi, onyń 2 shekaralyq ótkizý pýnktileri bar. Olarǵa Jańajol men Qorǵan pýnktileri jatady.
Shekaradan keletin jolda qarqyn úlken, kún saıyn ártúrli elderden júzdegen jeńil, júk jáne jolaýshylar kóligi ótedi.
Olardyń qaýipsizdigi men jaılylyǵy aımaqtaǵy jolshylardyń qolynda.
Áriptesteri Vadım týraly jaqsy maman, adal qyzmetker, óz isiniń sheberi dep aıtady. Jolshy mamandyǵy kúshti minez ben eńbekqorlyqty talap etedi.
Kez kelgen adam, qarapaıym jol jumysshysy qyzmetinen bastap, tynymsyz eńbek etse mindetti túrde mansap satysyna kóterile alady. Al, bizdiń búgingi keıipkerimiz osyǵan tikeleı dálel.
