Jol salasyndaǵy otandyq ǵalymdardyń ázirlemeleri kommertsııalandyrylady
ASTANA. KAZINFORM – Zertteýlerdiń basym baǵyttaryn jáne jol salasyndaǵy negizgi syn-qaterlerdi aıqyndaý, sondaı-aq otandyq ǵalymdardyń jańashyldyq ázirlemelerin kórsetý jáne kommertsııalandyrý úshin platforma qurý maqsatynda Almatyda «Jol qurylysy: ǵylym jáne bıznes» atty forým ótti.
Forým aıasynda otandyq ǵalymdar ózderiniń kommertsııalandyrýǵa daıyn tehnologııalary men materıaldaryn áleýetti ınvestorlar men salalyq organdarǵa usyný, sondaı-aq ázirlemelerin odan ári kommertsııalandyrý úshin baılanys ornatý jáne ınvestıtsııalardy tartý múmkindigine ıe boldy.
«Memleket basshysy Qasym-Jomart Toqaev Ǵylym jónindegi ulttyq keńestiń otyrysynda otandyq ǵalymdardyń ǵylymı ázirlemelerin kommertsııalandyrýǵa erekshe nazar aýdarǵan bolatyn. Bul úshin ǵylymı qoǵamdastyq pen bıznestiń ózara is-qımylynyń tıimdi mehanızmin qurý qajettigin atap ótti. Forým aıasynda osy mehanızmdi iske asyrý jáne qurý úshin tyń ıdeıalardyń aıtylatynyna senimdimiz», - dedi QR Kólik vıtse-mınıstri Sátjan Ablalıev.
Forýmdy «Qazaqstan jol ǵylymı-zertteý ınstıtýty» AQ «Qazaqstan Respýblıkasy Prezıdentiniń janyndaǵy Qazaqstan Respýblıkasynyń Ulttyq ǵylym akademııasy» KEAQ qoldaýymen uıymdastyryp, Muhamedjan Tynyshbaev atyndaǵy ALT ýnıversıteti qoldaý kórsetkenin atap ótken jón.
