Jol polıtsııasy qyzmetkerleriniń páter jaldaýyna ótemaqy tólenýi múmkin
ASTANA. QazAqparat - Qazaqstanda 35 myń polıtsııa qyzmetkeri baspanaǵa muqtaj. Bul týraly búgin halyqpen eseptik kezdesý ótkizgen QR Іshki ister mınıstri Qalmuhanbet Qasymov aıtty, dep habarlaıdy QazAqparat tilshisi.
«Bizde 35 myń polıtsııa qyzmetkeri baspanaǵa muqtaj. Búgingi kúni bul sanatta 5 myńnan astam qyzmetkerge páter jaldaýǵa qarajat bólip otyrmyz. Birinshi kezeńde jedel tergeý qyzmetterin qamtamasyz ettik. Barlyq tergeýshilerdi, jedel ýákilderdi, ıaǵnı, krımınaldyq polıtsııany, rejimdik bólimderdi qamtydyq. Olarǵa qazir ótemaqy beremiz. Búginde Úkimetpen páter jaldaý tólemaqysy tizimine ýchaskelik jáne jol-sholǵynshy qyzmetterdi qosý baǵytynda jumys istep jatyrmyz. Aqsha bólingenine qaraı basqa da qyzmetterdi birtindep atalǵan tizimge qosatyn bolamyz», - dedi Qalmuhanbet Qasymov.
