Jol polıtsııasy qysqy shınalarsyz júrýge tyıym salynǵanyn eskertti
ASTANA. QazAqparat - QR ІІM Ákimshilik polıtsııa komıteti avtojúrgizýshilerge qysqy shınalarsyz júrýge tyıym salynǵanyn eskertedi.
«Qoldanystaǵy zańnamaǵa sáıkes, qys aılarynda (jeltoqsan, qańtar, aqpan) qysqy shınalarsyz, eskertý belgilerinsiz jáne «M+S», «M&S», «M S» markerli belgilerinsiz avtokólik quraldaryn paıdalanýǵa tyıym salynady», - delingen vedomstvonyń Feısbýktegi paraqshasynda.
Qysqy shınalar, sondaı-aq arnaıy budyrlar barlyq tıptegi kólik quraldarynyń dońǵalaǵyna salynady. Qysqy shınalarǵa qoıylatyn talap Keden odaǵynyń «Dońǵalaqty kólik quraldarynyń qaýipsizdigi» týraly tehnıkalyq reglamentte kórsetilgen ári Keden odaǵyna múshe elderdiń barlyǵynda birkelki qoldanylady.
