Jol polıtsııasy komıteti tirkeý-emtıhan bólimshelerinde servıstik ortalyqtardy qurý máselelerin qarastyrýda
ASTANA. 15 qyrkúıek. QazAqparat - Jol polıtsııasy komıteti tirkeý-emtıhan bólimshelerinde halyqqa qyzmet kórsetýge qolaıly jaǵdaı jasaý baǵytynda jumys júrgizýde.
Jol polıtsııasymen memlekettik qyzmet kórsetýler boıynsha servıstik ortalyqtardy qurý máseleleri qarastyrylýda, dep habarlady QR ІІM Jol polıtsııasy komıtetiniń baspasóz qyzmetinen.
2011 jyldyń basynda QR ІІM Jol polıtsııasy komıtetiniń bastamasymen kólik quraldaryn tirkeý rásimi jeńildetildi. Atap aıtqanda, tirkeýge negiz bolatyn esep-anyqtama alyp tastaldy, kólik quraldaryn satý-satyp alýdyń qarapaıym aýyzsha jáne jazbasha shart kelisim formasy engizildi. Eger buryn azamat óz menshigine avtokólikti aýdarý úshin komıssıondyq dúkende esep-anyqtama nysanyn nemese satý-satyp alý kelisimin notarıaldy túrde 5-8 myń teńge jumsap, rásimdeıtin bolsa, qazir bunyń bári qajet emes, osy protsedýralardy jol polıtsııasynyń bólimshelerinde eshqandaı aqysyz rásimdeýge bolady. Bul oraıda halyqqa qyzmet kórsetý jol polıtsııasy qyzmetkerlerimen jáne Servıstik ortalyq jumyskerlerimen iske asyrylatyndyǵyn atap ótken oryndy. Atalǵan ortalyq qyzmetkerlerine qosymsha mindetter júkteledi (keńes berý, qujattardy qabyldaý, ótinishter blankilerin toltyrý).
Sonymen qatar Baılanys jáne aqparat mınıstrligimen birlesip, memlekettik qyzmet túrleriniń áleýmettik mańyzdysy retinde kólik quraldaryn tirkeý jáne júrgizýshi kýálikterin berýde memlekettik qyzmetterdi avtomattandyrý boıynsha sharalar qabyldanýda.
Atalǵan memlekettik qyzmetterdi avtomattandyrý memlekettik qyzmetti alý úshin ótinishti elektrondy túrde jasaý jáne berýdi, jáne ótinish ıesiniń aqparattaryn óńdegennen keıin ony elektrondy kezekke qoıýdy qarastyrady. Ári qaraı ótinish ıesi ornatylǵan elektrondy kezekke sáıkes memlekettik qyzmet alý úshin tirkeý-emtıhan pýnktine belgilengen ýaqytta kelýi kerek.
Osyndaı rásim túri avtokólikti tirkeý jáne júrgizýshi kýálikterin berý boıynsha memlekettik qyzmet kórsetý merzimin edáýir qysqartýǵa múmkindik beredi.
