Jol polıtsııasy kólikti mas kúıinde basqarǵandarǵa ákimshilik jaýapkershilikti aıtarlyqtaı kúsheıtýdi usynyp otyr
ASTANA. 6 qarasha. QazAqparat - Jol-kólik oqıǵalaryn azaıtý jáne onyń saldarynyń aýyrtpalyǵyn tómendetý maqsatynda 2012 jyldyń 24 jáne 29 qazan aralyǵynda respýblıka aýmaǵynda ІІM «Qaýipsiz jol» respýblıkalyq is-sharasyn ótkizdi.
Іs-sharalarǵa ishki ister organdarynyń 8 myńnan astam qyzmetkeri, onyń ishinde 5,5 myń jol polıtsııasy saptyq bólinisteriniń qyzmetkerleri qatysty.
«Taldaý kórsetkendeı, elimizde jol júrisi qaýipsizdigi jaǵdaıyn anyqtaıtyn negizgi faktor - kólik júrgizýshileriniń Jol júrisi erejelerin óreskel buzýy, olardyń kinási boıynsha 2012 jyldyń basynan bastap 8,5 myń JKO tirkeldi, bul barlyq oqıǵalardyń 87%-yn quraıdy»,- deıdi ІІM Jol polıtsııasy komıtetiniń tóraǵasy Berik Bısenqulov.
Aldyn alý is-shara ótkizý kezeńinde qyzmetkerler 48 myńnan astam, onyń ishinde 1 375 kólik quralyn mas kúıinde basqarý, 11 561 jyldamdyqty asyrý, 3088 basyp ozý erejelerin buzý, 887 joldyń qarsy baǵytyna shyǵý, 652 kólik quraldarynyń terezelerin tumshalaý, 3 336 kólik quralyn basqarý kezinde uıaly telefon paıdalaný, 6 908 qaýipsizdik beldikterin taqpaý, 429 apattyq jaǵdaı jasaý, 996 qozǵalys kezinde jaıaý júrginshilerge jol bermeý jáne basqa da Jol júrisi erejelerin buzýshylyqtarynyń jolyn kesti.
Osyǵan baılanysty ІІM-niń Jol polıtsııasy komıteti kólik quralyn mas kúıinde basqarý, joldyń qarsy baǵytyna shyǵý, jyldamdyq rejımin buzý, qıylystar men jaıaý júrginshiler ótpelerinen ótý erejelerin buzǵany úshin ákimshilik jaýapkershilikti aıtarlyqtaı kúsheıtý boıynsha usynystar ázirledi. JQE-ny óreskel buzǵany úshin kólik quralyn basqarýdan aıyrý jáne ákimshilik qamaýǵa alý merzimderin uzartý josparlanýda. Bul rette, JQE buzýshylyqtarynyń negizgi túrlerin quqyq buzýshylyqtardy tehnıkalyq quraldarymen tirkeý kómegimen anyqtaý josparlanǵan.
«Júrgizýshi ereje buzǵany úshin sáıkes jazalaý bolatynyn sezinýi kerek, sebebi jolda ádepsiz júrý jáne jaýapkershilikti sezinbeı júrý saldary qaıǵyly oqıǵaǵa ushyratyp, nátıjesinde eshbir kinásiz adamdar qaza bolady», - dep atap ótti Berik Bısenqulov.
JKO-nyń aldyn alý boıynsha jumys jalǵasýda. Osylaısha, 5-11 qarasha aralyǵynda balalar jol-kólik jaraqattanýynyń aldyn alý maqsatynda mektep demalysy kezinde respýblıka boıynsha «Demalys» profılaktıkalyq aktsııasy ótkiziledi. Al, 12-18 qarasha aralyǵynda «Jol qozǵalysynyń qaýipsizdik aptalyǵy» atty keń kólemdi nasıhattyń naýqan uıymdastyrylady. Ol BUU qararyna sáıkes qarashanyń úshinshi jeksenbisinde atalyp ótetin Búkilálemdik JKO qurbandaryn eske alý kúninde birqatar aldyn alý is-sharalary ótkizýmen aıaqtalady.
«Biz JKO faktilerin aıtyp qana qoımaı, olardyń aldyn alýǵa baǵyttalǵan jumys atqarýymyz qajet», - dep qorytyndylady Jol polıtsııasy komıtetiniń tóraǵasy Berik Bısenqulov.
