Jol polıtsııasy Qazaqstan joldarynda kúsheıtilgen rejimde jumys jasaýda

dep habarlaıdy QazAqparat QR ІІM-niń Jol polıtsııasy komıtetiniń baspasóz qyzmetine silteme jasap.

Tamyzdyń 9-y men 15-i aralyǵynda ótkizilip otyrǵan jedel aldyn alý sharasynyń alǵashqy eki kúninde respýblıka joldarynda 14 myńnan astam jol erejelerin buzý oqıǵasy tirkelgen. «429 júrgizýshi kólikti mas kúıinde júrgizgeni úshin ákimshilik jazaǵa tartyldy, jyldamdyq rejimin asyrǵany úshin 3 myńnan asa júrgizýshige aıyppul salyndy», delingen baspasóz habarlamasynda.

Sonymen qatar, Jol polıtsııasy komıteti baqylaý kúsheıtken kúnder ishinde jolda júrý erejelerin buzǵan 400-ge jýyq jaıaý júrginshi ákimshilik jazaǵa tartylǵan.

Jol polıtsııasy komıtetiniń málimetteri boıynsha, 2010 jyldyń sońǵy 3 aıynda 5 903 jol-kólik oqıǵalary tirkelgen. Onda 1 363 adam qaza bolyp, 6 myńǵa tarta adam jaraqat alǵan. 2009 jyldyń sáıkes kezeńimen salystyrǵanda jol-kólik oqıǵalary 5 paıyzǵa, kóz jumǵandardyń sany 1,7 paıyzǵa jáne jaraqattanǵandardyń sany 5,4 paıyzǵa kemigen.

Degenmen komıtet habarlamasynda atap kórsetilgenindeı, bul kórsetkishterge qaramastan el joldaryndaǵy ahýal áli de bolsa kúrdeli. Іri jol-kólik oqıǵalarynyń sany artqan. Osy kezeńde osyndaı 14 kólik qaqtyǵysy oryn alyp, onda 94 adam baqılyq boldy.