Jol polıtsııasy «Aýyldyq jol» aktsııasyn ótkizedi
ASTANA. 17 qazan. QazAqparat - 2011 jyldyń 17 qazanynan bastap qala syrtyndaǵy joldarda jáne aýyldyq eldi mekenderde jol-kólik jaraqatyn aldyn alý maqsatynda jol polıtsııasy bólinisteri «Aýyldyq jol» profılaktıkalyq aktsııasyn ótkizedi.
Bul týraly QR ІІM Jol polıtsııasy komıtetiniń baspasóz qyzmeti habarlady.
Aýyldyq eldi mekenderde aktsııany ótkizý kezeńinde jol polıtsııasy qyzmetkerleriniń jumysy kóbinese aldyn alý jáne túsindirý jumysyna baǵyttalady.
Jol jáne kommýnaldyq qyzmetter ókilderimen birlese otyryp, aýyldyq eldi mekenderde jalǵasyp jatqan kóshe-jol júıelerinde qajetti jol belgileriniń, jol syzbalarynyń, jaıaý júrginshiler úshin kózdelgen qorshaýlardyń, jol qozǵalysyn retteýge arnalǵan basqa da tehnıkalyq quraldardyń bolýyn, sonymen qatar jol tósemine qajetti aǵymdaǵy, ortasha jáne kúrdeli jóndeýdiń qajettiligine tekserý josparlanǵan.
Azamattarǵa qyzmet kórsetý úshin qolaıly jaǵdaılardy jasaý maqsatynda alys aýyldarǵa júrgizýshi kýálikterin alýǵa qujattardy qabyldaý, avtokólikti tirkeý jáne qaıta tirkeý boıynsha jumysty uıymdastyrý úshin, sonymen qatar belgilengen máseleler boıynsha halyqqa keńes berý úshin quramyna tirkeý-emtıhan bólinisteriniń qyzmetkerleri engizilgen arnaıy brıgadalardyń shyǵýy uıymdastyrylady.
Qala syrtyndaǵy joldarda jáne aýyldyq eldi mekenderde jol-kólik jaraqatyn aldyn alýǵa baǵyttalǵan basqa da is-sharalar josparlandy.
Aktsııa 2011 jyldyń 21 qazanynda aıaqtalady.
