Jol polıtseıleri erejeni buzǵandardy «aýlaýǵa» belsene kiristi
ASTANA. 12 shilde. QazAqparat - Astananyń Jol polıtsııasy basqarmasy (JPB) sot oryndaýshylarmen birlese otyryp jol júrý erejesin (JJE) buzǵan azamattardan aıyppuldardy óndirip alý maqsatynda reıdtik sharalardy bastady.
Búgin jýrnalısterge suhbat bergen JPB ákimshilik tájirıbe basshysy Tahır Abdýrahmanovtyń aıtýynsha, bıyl quqyqqorǵaýshylar jalpy somasy 341,5 mln. teńgeni quraıtyn 39,5 myń tólenbegen qaýlylardy májbúrlep tóletý úshin elordalyq sot aktilerin oryndaý departamentine joldady. Búgingi tańda olardyń 40 mln. teńge somasyndaǵy 5 myńǵa jýyǵy oryndaldy.
Polıtseıler sondaı-aq, qaýlylardy ereje buzýshylardyń turǵylyqty mekenjaılary men oqý oryndaryna da jiberýde.
