Jol-patrýldik polıtsııa qyzmetkerleriniń jalaqysy artady
ASTANA. QazAqparat - Jol-patrýldik polıtsııa sapynda qyzmet etip júrgen 8 myńnan astam serjant ofıtserlik shenge aýystyrylady. Osyǵan baılanysty qyzmetkerlerdiń jalaqysy da kóteriledi, dep xabarlaıdy QazAqparat tilshisi.
"Jol-patrýldik polıtsııanyń ımıdjin kóterý úshin serjanttar quramyn ofıtserlik dárejege deıin kóterý jumystary atqarylýda. Shtattyq kestege sáıkes, qazirgi kezde respýblıka boıynsha 9 362 serjant bar. Olardyń ishinde 8 626 adam ofıtserler quramyna ótedi", - dep atap ótti QR ІІM Ákimshilik polıtsııa komıteti tóraǵasynyń orynbasary Talǵat Musaqanov Astanada ótken baspasóz máslıxatynda.
Onyń aıtýynsha, ofıtserler quramyna aǵa ınspektor men ınspektorlar aýystyrylady. Al olardyń laýazymdyq qyzmetaqysy 60 myńnan 100 myń teńgege deıin kóteriledi. "Birqatar oblysta osy maqsattarǵa tıisti qarajat bólindi", - dep atap kórsetti komıtet basshysynyń orynbasary.
