Jol qurylysyna paıdalanylatyn otandyq ónim úlesi qandaı

ASTANA. QazAqparat - «Nurly jol» memlekettik baǵdarlamasy aıasynda bıyl 2 400 shaqyrym jol salyndy. Bul týraly búgin Úkimettiń selektorlyq rejimdegi otyrysynda atalǵan baǵdarlamanyń iske asyrylýy jóninde baıandaǵan QR Investıtsııalar jáne damý mınıstri Jeńis Qasymbek aıtty, dep habarlaıdy QazAqparat tilshisi.

«Memlekettik baǵdarlama aıasynda 7 myń shaqyrym avtojol salý jáne qaıta jańǵyrtý, respýblıkalyq mańyzy bar 10 myń shaqyrym avtojoldy jóndeý kózdelgen. Memlekettik baǵdarlamany iske asyrý bastalǵannan beri respýblıkalyq mańyzy bar avtojoldardyń qurylysyna, qaıta jańǵyrtý men jóndeýge 1,1 trln teńge bólinip, ıgerildi»,-  dedi ol.

Mınıstrdiń dereginshe, bólingen qarajat esebinen respýblıkalyq mańyzy bar 2,4 myń shaqyrym avtojol salynyp, qaıta jańǵyrtyldy. 7,5 myń shaqyrym jol jóndeldi. Batys Eýropa - Batys Qytaı tranzıttik dálizi, Astana - Temirtaý, Almaty - Qapshaǵaı, Kókshetaý - Petropavl ýchaskeleri tolyǵymen aıaqtaldy. Pavlodar oblysynda Ertis ózeni arqyly ótetin, Ortalyq Azııadaǵy eń iri kópir ótkeli salyndy.

«Barlyq nysandarda 100 myńnan astam jumys orny ashyldy. Jol qurylysyna paıdalanylǵan otandyq qurylys materıaldarynyń úlesi 95 paıyzdy qurady»,-  dedi Jeńis Qasymbek.