Jol qurylysy sapasyn arttyrý úshin FIDIC sharttary engiziledi
«Bıyl jalpy uzyndyǵy 10,5 myń shaqyrymdaı jolda qurylys jáne jańǵyrtý jumystary jalǵastyrylady. Elimizdiń Prezıdenti bergen tapsyrmaǵa sáıkes, jol qurylysynyń sapasyn arttyrý úshin jyl sońyna deıin FIDIC halyqaralyq erejeleriniń sharttary engiziledi. Negizgi 50 normatıvti qurý arqyly qoldanystaǵy 1200-den astam salalyq normatıv ońtaılandyryldy. Avtojol jobalaryn ERSM-kelisimshart qaǵıdasymen iske asyrý tásiline aýysý júzege asyrylyp keledi. Bul bir oryndaýshyǵa jobanyń tolyq ómirlik tsıklin jobalaý satysynan bastap, osy ýchaskeni 10 jyl boıy kútip ustaýǵa múmkindik beredi», - dedi Marat Qarabaev mınıstrliktiń keńeıtilgen alqa otyrysynda.
Onyń dereginshe, 2022 jyldyń qorytyndysynda avtojol salasynda normatıvtik jaǵdaıdaǵy joldardyń úlesi respýblıkalyq jeli boıynsha 91 paıyzǵa jáne jergilikti jelide 85 paıyzǵa deıin ulǵaıtyldy.
«Qurylys-jóndeý jumystarymen 11 myń shaqyrymnan astam jalpy qoldanystaǵy avtojol qamtyldy», - dedi ol.
