Jol qurylysy mamandyqtaryna bilim granttaryn kóbeıtý kerek - mınıstrlik

NUR-SULTAN. QazAqparat – Elimizdegi avtomobıl joldarynyń sapasyn jaqsartý úshin salaǵa qajetti birneshe mamandyq túrine bilim granttaryn kóbeıtý kerek. Indýstrııa jáne ınfraqurylymdyq damý mınıstrligi osyndaı bastama kóterdi, dep habarlaıdy QazAqparat vedomstvonyń baspasóz qyzmetine silteme jasap.

«

Joldy jobalaý, jol qurylysy men joldy jáne kópirdi kútip ustaý profıldik mamandyqtary boıynsha memlekettik tapsyrysty qamtamasyz etip, atalǵan mamandyqtarǵa bólinetin bilim berý granttarynyń sanyn arttyrý qajet

«, - delingen mınıstrlik habarlamasynda.

Vedomstvodan málim etkendeı, Qazaqstanda avtomobıl joldary men kópir qurylystary boıynsha mamandar 2015 jyldan beri daıarlanbaıdy.

«

Atalǵan mamandyqtar qysqartylyp, kólik qurylysy mamandyǵyna kiriktirilgen. Bul mamandyq boıynsha avtokólik joldaryna arnalǵan profıldik pánder barlyq sabaqtyń 10 paıyzy ǵana bolady. Sondaı-aq, orta arnaýly oqý oryndarynda mamandardy daıarlaý eski oqý baǵdarlamasymen júrgiziledi jáne de atalǵan bilim berý mekemeleri zamanaýı tehnıkalyq quraldarmen tıisti deńgeıde jabdyqtalmaǵan

», - dep tolyqtyrady mınıstrlikten.

Osy oraıda, QR IIDM jylyna bólinetin bilim berý granttarynyń sanyn 500-ge deıin arttyryp, kolledjderdi ýaqyt aǵymyna saı jabdyqtaý máselesin usynyp otyr.