Jol qurylysy kezinde segiz adamnyń qańqasy tabyldy
ASTANA. QazAqparat - Reseıdiń Kýrsk oblysynda jol qurylysyn júrgizip jatqandar segiz adamnyń qańqasyn tapty, dep habarlaıdy ITAR-TASS.
Buǵan qosa, taǵy eki adamnyń súıegi topyraq alatyn alańdy qorshaý kezinde tabyldy. Ázirge olardyń qaı kezeńge jatatyndyǵy belgisiz bolyp otyr.
Tergeý komıteti oblystyq tergeý basqarmasy basshysynyń aǵa kómekshisi Maksım Rassamakınniń aıtýynsha, bul qańqalar keńes jaýyngerleriniki, ne bolmasa odan erterek jerlengen de bolýy yqtımal. Olardy anyqtaý jumystaryna arheologtar tartyldy.
