Jol-qurylys materıaldary men jańa tehnologııalardyń biryńǵaı bazasy pılottyq rejımde iske qosyldy
Qazaqstan jol ǵylymı-zertteý ınstıtýtynda jol-qurylys materıaldary men jańa tehnologııalardyń biryńǵaı bazasyn qurý úrdisi aıaqtaldy. IT sheshimdi Avtomobıl joldary komıteti maquldap, júıe pılottyq rejımde paıdalanýǵa berildi.
Komıtet «QazAvtoJol» UK» AQ, Jol aktıvteri sapasynyń ulttyq ortalyǵy jáne jobalaýshylar qaýymdastyǵyna, sondaı-aq merdiger uıymdar menbasqa da múddeli tulǵalarǵa www.rcmbase.kz siltemesi boıynsha jańa salalyq aqparattyq júıemen tanysýdy usynady.
Komıtettiń qujattarynda avtojoldardy ortasha jáne kúrdeli jóndeý, olardyń qurylysy men rekonstrýktsııalaý kezinde, sondaı-aq jobalaý smetalyq qujattama ázirleý barysynda qurylys materıaldary men tehnologııalardy atalǵan biryńǵaı bazada usynylǵan karerlerdiń, bıtým jáne asfalt zaýyttarynyń materıaldaryn eskerip, paıdalanýy qajet ekendigi atap ótildi.
«Biryńǵaı baza – QazjolǴZI-dyń ázirlemesi.Bul baǵyttaǵy jumys ótken jyldyń sońynda bastalǵan bolatyn. Joba joldardyń sapasyn jaqsartý boıynsha usynylǵan mindetterge jaýap beretin tıimdi mehanızm retinde usynyldy. Zamanaýı tsıfrlyq ónim qurylys materıaldary men jol qurylysy tehnologııalaryn paıdalanýdy júıeleýge, joldardy jobalaýdy ashyq ári sapaly etýge múmkindik berdi. Adamı faktorlarǵa baılanysty táýekelder barynsha azaıtylady», - deıdi«QazjolǴZI» AQ jol-qurylys materıaldary jáne jańa tehnologııalar bóliminiń basshysy Saltanat Áshimova.
Jańa tehnologııalar men materıaldar aldymen zerthanalyq jaǵdaıda jáne ártúrli klımattyq aımaqtarda jol synaqtarynyń eki jyldyq tsıklinde synaqtan ótedi. Tekserý nátıjelerin jol qurylysy sarapshylary, ǵalymdar, jobalaýshylar, qoǵamdyq uıymdardyń ókilderi kiretin jańa tehnologııalarmen materıaldardy engizý jáne ıgerý jónindegi tehnıkalyq keńes zerdeleıdi. Maquldanǵan jaǵdaıdaár pozıtsııa reıtıngke engizilip, belgili bir joldarda qoldanýǵa arnalǵan usynys alady.
Búgingi tańda tehnıkalyq keńestiń tórt otyrysy ótkizildi. Salalyq uıymdardyń alqaly organy 50-den astam ınnovatsııany zerttep, olardyń jartysy Qazaqstannyń naqty óńirlerinde synalǵan jáne paıdalanýǵa ruqsat etilgen mártebesi bar tizilimge engizildi.
Bul burynnan paıdalanylyp kele jatqan jol-qurylys materıaldaryna da qatysty. Qazir barlyq merdiger kompanııa qıyrshyq tasty nysanǵa eńjaqyn karerden tasýǵa tyrysady. Bul tıimdi, óıtkeni materıal men tehnıkany tasymaldaý shyǵyndary azaıady. Alaıda qıyrshyqtastyń beriktigi, aıazǵa tózimdiligi, tyǵyzdyǵy syndy fızıkalyq qasıetteri eskerilmeı jatatyny taǵy bar. Bul kepildik merzimi aıaqtalǵannan keıin joldardyń deformatsııasyna ákep soǵady.
«Biz eldegi barlyq karerge revızııa jasaımyz jáne olardan alynǵan synamalarǵa zerthanalyq taldaý júrgizemiz. Osy málimetter negizinde Biryńǵaı bazada qıyrshyq tas jáne qum ken oryndarynyń onlaın kartasy jasaldy. Bul qurylysshylar men dızaınerlerge jol sapasyna zııan keltirmesten ýaqytty únemdeıdi. Jyl kóleminde biz Almaty, Jetisý, Túrkistan, Aqmola jáne Soltústik Qazaqstan oblystarynda jumys istep turǵan karerlerge olardyń qýattylyǵy týraly málimetterdi ózektendirý, sondaı-aq synamalardy jınaý jáne synaý úshin bardyq. Zertteý nátıjeleri boıynsha jol jabynynyń ártúrli qabattarynda jol-qurylys materıaldaryn qoldaný salalary aıqyndaldy», - dedi «QazjolǴZI» AQ Almaty fılıalynyń zertteý zerthanasynyń meńgerýshisi Ǵalııa Asanova.
Biryńǵaı baza jol salý tásilderin aıtarlyqtaı ózgertýi tıis. Merdigerler men dızaınerler saıttan qurylys alańyna jaqyn ornalasqan karerlerdi, asfalt jáne bıtým zaýyttaryn tez taýyp, olardyń sapaly málimetterin birden kóre alady. Bazany paıdalaný qurylysty jeńildetedi jáne joldardy jobalaý jyldamdyǵyn arttyrady dep kútilýde, al derekterdiń ashyqtyǵy olardyń qurylys sapasyn jaqsartýǵa kómektesedi.
Aıta keterligi, baza jańa materıaldar men tehnologııalar, karerler men zaýyttardyń jumysyndaǵy ózgerister, sondaı-aq klımattyq ózgerister men paıdalanýshylardan kelip túsetin usynystardy eskere otyryp, únemi jańartylyp otyrady.
Aqparattyq júıe IIDM Avtomobıl joldary komıtetiniń menshiginde bolady. Komıtet júıeni basqaryp, iske asyrý mehanızmin júzege asyrady. Osy rette ınstıtýt júıeni toltyrý protsesinjalǵastyrady. Budan basqa, jol ǵylymı-zertteý ınstıtýty respýblıka boıynsha jol salasyna jańa tehnologııalardy engizý boıynsha fýnktsıonalǵa ıe.
