Jol qurylysynyń sapasyn baǵalaý júıesi qaıta qaralyp jatyr
ASTANA. KAZINFORM — «Jol aktıvteri sapasynyń ulttyq ortalyǵy» mekemesiniń róli kúsheıtiledi. Bul týraly Premer-mınıstr Oljas Bektenov málim etti.
- Jol qurylysynyń sapasyn arttyrýǵa qatysty Memleket basshysynyń tapsyrmalaryn oryndaý maqsatynda materıaldardy qoldanýǵa jiberýden bastap obektilerdi paıdalanýǵa bergenge deıingi barlyq kezeńde baqylaýdy, sondaı-aq «Jol aktıvteri sapasynyń ulttyq ortalyǵy» mekemesiniń rólin kúsheıte otyryp, jol qurylysynyń sapasyn baǵalaý júıesi qaıta qaralyp jatyr. Sapasyz ınertti materıaldardyń jetkizilýin joqqa shyǵarý úshin materıaldyq-tehnıkalyq resýrstardyń elektrondyq bazasy engizildi, obektilerde sapanyń kiris baqylaýyn akkredıttelgen synaq zerthanalary júzege asyrady, - dedi O.Bektenov Quryltaı depýtatynyń saýalyna jaýap bere otyryp.
Osy oraıda ol 2026 jylǵy 1 shildeden bastap bıtýmdy jikteýdiń ulttyq standarty qoldanysqa engizilgenin, onda eldiń klımattyq jaǵdaılary eskerilgenin, jańa jobalarda polımermen modıfıkatsııalanǵan bıtýmdy qoldaný qarastyrylǵanyn eske saldy.
- Jobalardy iske asyrý «tolyq bitirip berý» shartymen keshendi kelisimsharttar jasaýǵa aýystyrylyp jatyr jáne otandyq merdiger uıymdar tartylmaq, - dedi Úkimet basshysy.
Buǵan deıin habarlanǵandaı, jańadan salynatyn joldarda modıfıkatsııalanǵan bıtým qoldanyla bastaıdy.
