Jol qozǵalysy jas ınspektorlarynyń respýblıkalyq sleti aıaqtaldy (FOTO)
ASTANA. QazAqparat - Búgin QR ІІM Ákimshilik polıtsııa komıtetiniń bastamasy boıynsha «Mereı» balalar demalys kesheniniń bazasynda QR BǴM, «Juldyz» balalar qoǵamdyq uıymdarynyń birlestigi, Qostanaı qalasy ІІD ÁPB birlesip ótkizilgen Ǵ.Baıtasov atyndaǵy jol qozǵalysy jas ınspektorlarynyń 15-shi respýblıkalyq sletiniń qorytyndysy shyǵaryldy.
Slettiń maqsaty: balalar men jasóspirimderdiń qatysýymen jol-kólik oqıǵalarynyń aldyn alý boıynsha jumystardy jetildirý jáne balalardyń jo-kólik jaraqatynyń aldyn alý máselelerine múddeli uıymdar, vedomstvolar men qoǵamnyń nazaryn aýdarý.
Bundaı forýmdar Qazaqstanda óńirlik jarystardyń jeńimpaz balalardyń qatysýymen 2001 jyldan bastap jyl saıyn uıymdastyrylady. Respýblıkalyq slettiń baıqaýlar baǵdarlamasy on kúnge jalǵasty. Balalar jol polıtsııasy qyzmetiniń qurylý tarıhy boıynsha ózderiniń bilimin, JKO keıin tez arada medıtsınalyq kómek kórsete bilýdi jáne qıylystarda qozǵalystardy retteý boıynsha biliktilikterin kórsetti.
Slettiń baǵdarlamasynda 13 atalym boıynsha jarystar qarastyrylǵan bolatyn: sap qaraýy, jas retteýshiler, jol qozǵalysy erejesiniń bilimpazdary, jas sanıtarlar, bilgirler týrnıri, úgit brıgadalarynyń baıqaýy, «Meniń jasaǵym» án baıqaýy, jas nasıhatshylary, jas tilshiler, «Qaýipsiz dóńgelek» velosıpedti mánerlep júrgizý boıynsha jarys jáne kapıtandar baıqaýy. Budan basqa, slet barysynda bilim jáne polıtsııa qyzmetkerleri arasynda baıqaýlar ótkizildi.
Eń mańyzdy baıqaýlardyń biri jol qozǵalysy erejesin úzdik bilý jarysy boldy. Balalarǵa 15 mınýttyń ishinde kólik quralyn júrgizý kýáligin alýǵa arnalǵan saýaldarǵa jaýap berýler qajet. Biraq bul jerde de jas ınspektorlar múdirgen joq.
Sap túzeýdi ótkizý barysynda jas ınspektorlar ózderiniń daıyndyǵymen jol polıtseılerin qýantty: QJI jasaqtary saltanatty formamen sap túzeýlerin tipten eresekter sııaqty kórsetti, ıaǵnı sap túzepqana qoımaı saltanatty marshpen júre aldy. Al velosıpedti mánerlep júrgizýden balalar qaýipsizdik erejesiniń barlyǵyn saqtaı aldy.
Eń kórnektisi, úgit brıgadalardyń baıqaýy boldy. 5 mınýttyń ishinde jas ınspektorlar án, bı, ózderi shyǵarǵan óleńderdiń kómegimen zalda otyrǵan árbir adamǵa el azamattarynyń basty mindetteriniń biri - JQE bilýi qajettigin túsindirýge tyrysty.
Budan basqa slet barysynda QJI mektep jasaǵynyń jumysyn uıymdastyrý boıynsha úıretý trenıngteri, JKO alǵashqy medıtsınalyq járdem kórsetý, al jol polıtsııasy qyzmetkerlerine arnalǵan balalar jol-kólik jaraqatynyń aldyn alý máseleleri boıynsha semınar-májilis jáne reseılik áriptesterimen ózara jumys tájirıbesin almasý uıymdastyryldy.
Asa joǵary ótken básekelestiktiń nátıjesinde Almaty oblysynyń QJI jasaǵy jol qozǵalysy jas ınspektorlarynyń 15-shi respýblıkalyq sletiniń jeńimpazy atandy. Al ekinshi jáne úshinshi oryndy Shyǵys Qazaqstan men Aqmola oblystarynyń komandalary bólisti.
