Jol qozǵalysy týraly jańa zań tehnıkalyq baıqaýdan ótý blankilerinen bas tartýdy kózdeıdi
ASTANA. QazAqparat - Memleket basshysy tehnıkalyq baıqaý ótýdiń jańa erejelerin qarastyratyn «Jol qozǵalysy týraly» Zańyna qol qoıdy. Qujat ústimizdegi jylǵy qazan aıynan bastap kúshine enedi. Bul týraly QR Kólik jáne kommýnıkatsııa mınıstrliginiń baspasóz qyzmeti habarlady.
Onyń ishinde, Zań paıdalanymda 4 jyldan aspaıtyn merzimdegi (shyǵyrylǵan jylyn qosqanda) kólik quraldaryn mindetti tehnıkalyq baıqaýdan ótýden bosatady.
Sonymen birge, Zańda tehnıkalyq baıqaýdan ótý týraly qaǵaz blankilerden bas tartý kózdelgen, al onyń ótýi faktisi mehanıkalyq kólik quraldary men olardyń tirkemelerin mindetti tehnıkalyq baıqaý biryńǵaı aqparattyq júıesinen málimet suraý arqyly anyqtalady.
Tehnıkalyq baıqaýdan ótýge qajet qujattar tizimi boıynsha da ózgeristir engizildi. Endi, jańa erejelerge sáıkes, tehnıkalyq baıqaýdan ótý úshin kóliktik salyq tóleý jóninde qujat qajet emes: operatorǵa tek qana kólik quraly men ony memlekettik tirkeý týraly kýáligin (avtonyń tehnıkalyq tólqujaty) usynylǵany jetkilikti.
Jol-kólik oqıǵasyna soqtyrǵan tehnıkalyq baıqaýdy tıisinshe ótkizbegendigi úshin operatorlardyń jaýapkershilikteri qarastyrylǵan. Sonymen qatar, operatorlardyń tehnıkalyq baıqaýdy ótkizý tártibin buzǵany úshin jaýapkershilikteri kúsheıtildi.
