Jol qozǵalysy erejelerin óreskel buzǵan avtobýs júrgizýshileri «qara tizimge» ilinedi - Almaty ákimdigi
ALMATY. QazAqparat- Almaty qalasynyń mýnıtsıpaldyq avtobýs parkterinde kezdesetin basty kemshilikter - ol, júrgizýshilerdiń ádepsizdigi men kásibı biliktiliginiń tómendigi. Bul týraly búgin Almatyda jýrnalıstermen bolǵan kezdesýde qala ákiminiń orynbasary ıÝrıı Ilın málimdedi.
«Almaty ákimdigine jurtshylyq tarapynan qoǵamdyq kólikterge qatysty shaǵymdar kóptep túsedi. Bul - shyndyq. Qazir ákimdik parkterdi odan ári damytýǵa barynsha kúsh salyp jatyr. Qarjy jetkilikti bólinýde. Tártip jaǵy da qolǵa alyndy. Biz mysaly jumysta jiberilgen birqatar kemshilikter men tártipsizdikter úshin «Almatyelektrotrans» kompanııasynyń basshylyǵyn túgelimen aýystyrdyq. Qazir onda jumys birtindep jolǵa qoıylyp keledi. Endi qalada qoǵamdyq kólikke qatysty qordalanyp qalǵan máselelerdi jyl sońyna deıin sheship, jaqsy kórsetkishterge qol jetkizemiz degen senimdemin», - dedi óz sózinde ıÝ. Ilın.
Sonymen qatar, Almaty qalasy ákiminiń orynbasary jurtshylyqty jolaýshylardyń jolaqysyn valıdatorǵa saldyrmaı ózderi alatyn júrgizýshiler týraly tıisti mekemelerge nemese ákimdikke der kezinde habarlasýǵa shaqyrdy.
«Munyń ózi - úlken zań buzýshylyq. Bul jaǵdaıda tipti júrgizýshini jumystan shyǵarý sharasy da qoldanady. Mundaı júrgizýshiler, sondaı-aq jol qozǵalysy erejelerin óreskel buzatyndar «qara tizimge» ilinedi. Keıin olar basqa kompanııalarda júrgizýshi bolyp jumys isteı almaıtyn bolady», - dedi ıÝ. Ilın.
Qala ákiminiń orynbasary bıyl jazda Almatyda ekinshi mýnıtsıpaldyq avtobýs parkiniń qoldanysqa berilgendigin jetkizdi. Onda qazir 200-den astam jańa trolleıbýs, 19 tramvaı, tabıǵı gazben júretin 200 avtobýs jáne taýly mekenderge júrýge arnalǵan 10 avtobýs jumys isteıdi. Jyl sońyna deıin atalmysh parktegi qoǵamdyq kólikterdiń sanyn 800-den asyrý kózdelgen.
Qazirgi tańda mýnıtsıpaldyq parkte jumys isteıtin júrgizýshilerdiń jalaqysy 200-250 myń teńgege deıin barady eken. Soǵan qaramastan júrgizýshiler jetispeıdi. ıÝ. Ilın endi parkter damyǵan elderdiń tájirıbesimen júrgizýshilik jumystarǵa sheteldikterdi shaqyrýy múmkin ekendigin joqqa shyǵarmady.
