Jol qozǵalysy erejelerin buzǵany úshin aıyppuldardy termınaldar, bankomattar men ROS-termınaldar arqyly tóleý múmkin bolady
ASTANA. 21 qyrkúıek. QazAqparat - Aldaǵy ýaqytta jol qozǵalysy erejelerin buzǵany úshin aıyppuldardy elektrondy termınaldar, bankomattar men ekinshi deńgeıli bankterdiń ROS-termınaldary arqyly tóleý múmkin bolady. Bul týraly QR Іshki ister mınıstrligi Jol polıtsııasy komıtetinen habarlandy.
Eske salsaq,2010 jyldyń qarasha aıynda Іshki ister mınıstrligi Baılanys jáne aqparat mınıstrligimen birlesip jol polıtsııasynyń «Baqylaý» aqparattyq júıesi negizinde jol qozǵalysy erejelerin (beıne baqylaý jáne tirkeý júıesimen túsirilgen aıyppuldardan basqa) buzǵany úshin ákimshilik aıyppuldardy «elektrondyq úkimet» portaly arqyly tóleý jobasyn iske asyrdy.
Aıyppuldardy tóleýdiń dástúrli túri boıynsha jol qozǵalysyn buzýshylarǵa eki kezekte - bankte jáne ákimshilik tájirıbe bólimshesinde turýǵa qajet bolatyn. Aıyppuldardy «elektrondyq úkimet» portaly arqyly tóleý, sózsiz, osy rásimdi jeńildetedi. Al tólengen aıyppuldar týraly habarlamalar jol polıtsııasy bólimshelerine avtomatty túrde baǵyttalyp otyrady.
Qazirgi ýaqytta Jol polıtsııasy komıteti «Baqylaý» aqparattyq júıesi jáne óńirlik Protsessıng ortalyqtarymen beıne baqylaý jáne tirkeý júıesimen túsirilgen buzýshylyqtardy óńdeý boıynsha birlesken jumystardy júrgizýde. 2011 jyldyń sońynda osy júıelermen túsirilgen quqyqbuzýshylyqtardy elektrondyq úkimet shlıýzi arqyly tóleýge múmkin bolady.
«Sondaı-aq, halyqty osy qyzmet túrimen keńirek qamtý maqsatynda, jol qozǵalysy erejelerin buzǵany úshin aıyppuldardy qoǵamdyq oryndarda ornatylǵan elektrondy termınaldar, bankomattar men ekinshi deńgeıli bankterdiń ROS-termınaldary arqyly tóleý múmkindikterin iske asyrý máseleleri qarastyrylýda», - delingen taratylǵan habarlamada.
