Jol qozǵalys jas ınspektorlarynyń respýblıkalyq sleti ótedi
ASTANA. 28 mamyr. QazAqparat - Іshki ister mınıstrligi Bilm jáne ǵylym mınıstrligimen birlesip, Aqmola oblysyndaǵy «Baldáýren» respýblıkalyq saýyqtyrý ortalyǵynda 31 mamyr men 5 maýsym aralyǵynda jol qozǵalysy jas ınspektorlarynyń respýblıkalq sletin ótkizedi, dep habarlady QR ІІM Jol polıtsııasy komıtetiniń baspasóz qyzmeti.
Oǵan elimizdiń túpkir-túpkirinen óńirlik jarystardyń jeńimpazy - 170 bala, sondaı-aq Reseı Federatsııasynyń komandasy (Máskeý) qatysady. Bul sharanyń maqsaty balalardyń jol-kólik qozǵalysy saldarynan jaraqattanýynyń aldyn alý bolmaq.
Onyń baǵdarlamasynda 9 atalym boıynsha: sapqa turý jáne án salý baıqaýy, jas retteýshiler konkýrsy, jol qozǵalysy erejelerin jetik bilý, jas sanıtarlar, erýdıtter týrnıri, úgit brıgadalary konkýrsy, jas tilshiler, «Meniń jasaǵym» beınerolıgi jáne velosıpedti mánerlep júrgizý sııaqty jarys túrleri ótedi.
Jol qozǵalysy jas ınpektorlary qozǵalysy (JQJI) qozǵalysy, onyń sletteri, konkýrstary jalpy bilim berý úrdisin tereńdetýge, jasóspirimderdiń mádenı deńgeıine, balalardyń ómiri men densaýlyǵyn saqtaýǵa yqpal etedi, balalardyń jol-kólik oqıǵalarynda jaraqattanýynyń aldyn alýǵa aıtarlyqtaı áser etedi.
Sharany ótkizýge «Shell Qazaqstan», «Juldyz» balalar qoǵamdyq birlestikteriniń odaǵy, «Qazaqstan Respýblıkasy ІІM-niń Aqparattyq-óndiristik ortalyǵy» RMK, sondaı-aq «Qazaqstan» jáne «Arman» ІІM sanatorııleri, «Eńbek» RMK qoldaý kórsetýde.
Alǵashqy jol qozǵalysynyń jas ınspektorlary 1973 jyly paıda (Keńes Odaǵynda JQJI týraly alǵashqy ereje OK BLKJO, KSRO ІІM jáne KSRO Bilim berý mınıstrliginiń birlesken otyrysynda 1973 jyldyń 6 naýryzynda qabyldandy) boldy. JQJI qyzmetiniń negizgi mindetteri - balalar men jasóspirimder arasynda Jol qozǵalysy erejelerin nasıhattaý, joldarda balalardyń jaraqattanýynyń aldyn alý. 1978 jyly Rostov-na-Doný qalasynda alǵashqy Búkilodaqtyq JQJI sleti ótti. Qazaqstanda JQJI sletteri 1982 jyly Almaty qalasynda, 1987 jyly Aqtóbe qalasynda, 1989 jyly Qaraǵandy qalasynda ótkizildi.
Qazaqstan táýelsizdik alǵannan keıin osyndaı sletter uzaq ýaqyt ótkizilgen joq. 2001 jyly Qazaqstan Respýblıkasynyń Jol polıtsııasy komıteti JQJI sletin qaıta jańǵyrtý jáne Qazaqstan Respýblıkasynda birinshi sletti Almaty qalasynda ótkizý týraly usynys jasady. Keıingi jyldary ár jyl saıyn respýblıkalyq jas jol qozǵalysy sletterin ótkizý ıgi dástúrge aınaldy.
