Jol-kólik salasynda 6,8 myń tehnıka jetpeıdi — mınıstr

ASTANA. KAZINFORM — Kólik mınıstri Marat Qarabaev Úkimet otyrysynda kólik salasynda qansha tehnıka tapshy ekenin aıtty.

«Jol salasynda iri jobalardyń iske asýy jáne jańa joǵary sanatty joldardyń paıda bolýy, tıisti kólemde jol qurylys tehnıkasynyń bolýyn talap etedi. Búgingi tańda salada 6 myń 800 tehnıkaǵa qajettilik bar. Onyń 5 myń 700-i — jańadan bastalatyn qurylystarǵa qajetti tehnıka. Al joldy kútip ustaý normatıvine jetkizý úshin 1 myń 93 tehnıka qajet», — dedi ol.

Marat Qarabaev bul máseleni túbegeıli sheshý úshin Qurylys jáne ónerkásip mınıstrligimen birlesip jol salatyn tehnıkany Qazaqstan aýmaǵynda oqshaýlandyrý júrgizilip jatqanyn aıtty.