Jol-kólik apaty kezinde otbasynan aıyrylǵan aqtóbelik áıel sotta aqtaldy

AQTÓBE. KAZINFORM - Aqtóbede jol-kólik apatyna túsip, keıin qylmystyq qýdalaýǵa tap bolǵan júrgizýshi áıel sotta aqtalyp shyqty.

Áıteke bı aýdandyq sotynda Qylmystyq kodekstiń «Abaısyzda eki nemese odan da kóp adamnyń ólimine ákep soqqan jol qozǵalysy qaǵıdalaryn buzý» baby boıynsha is qaraldy. Іs materıalyna súıensek, 2023 jyldyń 21 aqpan kúni saǵat shamamen 14:00-de sottalýshy áıel joldasy jáne 3 balasymen Aqtóbe qalasynan T.Jýrgenov aýylyna baǵyt alǵan. Tergeýshiler «Mitsubishi Montero Sport» markaly avtokóligin aıdaǵan áıel «Samara-Shymkent» tas jolynyń 921 shaqyrymynda joldyń qarsy baǵytyna shyǵyp, tirkemesi bar «VOLVO» markaly júk kóligimen soqtyǵysqanyn tirkedi. Saldarynan barlyq jolaýshy, ıaǵnı, úsh bala men kúıeýi kóz jumdy.

«Sotta sottalýshy óz baǵytymen júrgenin aıtty. Al kýáger bolǵan janar-jaǵarmaı tasıtyn kólik júrgizýshisi «VOLVO» júk kóliginiń júrgizýshisi ózin basyp ozyp, manevrdi aıaqtaýǵa úlgermeı qalǵanyn kórsetti. Atalǵan jaǵdaıdy jol-kólik oqıǵasynyń kýágerleri de rastady. Sot jol qozǵalysy qaǵıdalaryn buzý faktisi óz dálelin tappady degen tujyrymǵa kelip, aqtaý úkimin shyǵardy. Sot úkimi zańdy kúshine engen joq», - dep habarlady Áıteke bı aýdandyq sotynyń baspasóz qyzmeti.

Eske salsaq, jol-kólik apaty byltyr bolyp, polıtsııa kúdikti retinde jeńil kólik júrgizýshisine aıyp taqty.