Jol-kólik oqıǵasynda eki adam qaza boldy - Qyzylorda oblysy
QYZYLORDA. 31 tamyz. QazAqparat - Búgin jergilikti ýaqyt 03 saǵat 27 mınýt shamasynda №7 órt sóndirý bóliminiń radıo baılanys beketine Shıeli aýdany, Oqshy ata beıitiniń tusynda jol-kólik oqıǵasy bolǵany jaıly Qyzylorda oblysy TJD kezekshisine habarlama túsken.
Oqıǵa ornyna Shıeli aýdanynyń TJ bólimi bastyǵynyń mindetin atqarýshy órtke qarsy qyzmet maıory R.Sarıev bardy. Oqıǵa Shıeli aýdany Oqshy ata tusynda Báıgequm aýylyna deıingi Shıeli kentinen shamamen 30 shaqyrymda Qyzylorda qalasyna baǵyt alyp bara jatqan «Honda» markaly jeńil avtokóligi men Túrkistan qalasyna qaraı baǵyt alyp bara jatqan «KamAZ» markaly kólikpen soqtyǵysqan. Nátıjesinde oqıǵa ornynda «Honda» markaly avtokólik júrgizýshisi Qyzylorda qalasy B.Maılın kóshesiniń turǵyny 1959 jyly týylǵan Qalmenova Roza jáne Qyzylorda qalasy Mereı móltek aýdany №5 úı turǵyny 1956 jyly týylǵan Eleýishov Álkebaı qaza bolǵan. Osy «Honda» avtokóliginde bolǵan Mereı móltek aýdany №5 úı turǵyny 1955 jyly týylǵan Qonaqbaeva Qaldygúl Shıeli aýdandyq aýrýhanasynyń jansaqtaý bólimine jatqyzyldy. Osy oqıǵa ornynda «Ońtústik óńirlik aeromobıldik jedel qutqarý jasaǵy» memlekettik mekemesiniń kezekshi bólimshesi qutqarýshylary atsalysyp, máıitterdi kólikten shyǵarý jáne zardap shegýshini aýrýhanaǵa jetkizý jumystaryn atqardy.
