Jol-kólik oqıǵasynan soń kólik nómirin sheship alý durys pa
ASTANA. QazAqparat - Jol-kólik oqıǵasy kezinde kólikterinen memlekettik nómirlerin sheship tastaǵan júrgizýshiler jaıynda Ákimshilik polıtsııaǵa habarlasý kerek. Bul týraly búgin QR ІІM Ákimshilik polıtsııa komıteti basqarma basshysynyń orynbasary Erkin Músilimov aıtty, dep habarlaıdy QazAqparat.
Tilshiler Ákimshilik polıtsııa komıtetiniń ókilinen kóp jaǵdaılarda jol-kólik oqıǵasy kezinde avtokólik ıeleri mashınalarynan memlekettik nómirlerin sheship tastaıtyndyǵyn, bul jaǵdaı JKO kezinde kýágerlerden málimetter alǵan kezde qıyndyq týǵyzatyndyǵy týraly surady.
«Bul máselege toqtalsaq, Jedel basqarma ortalyǵynyń beınekameralary ár qıylysta ornalastyrylǵan. Osy baǵytta bizdiń arnaıy izdestirý bólimi jumys isteıdi»,-dedi Músilimov Ortalyq kommýnıkatsııalar qyzmetindegi baspasóz máslıhatynan keıin.
Onyń sózine qaraǵanda, beıne jazbany túsiretin jabdyqtary joq jol ýchaskelerinde JKO kezinde memlekettik nómirlerdi sheship tastaý faktisi oryn alsa, Ákimshilik polıtsııa komıtetine habarlasý kerek.
«Ondaı jaǵdaılar bolyp jatsa, bizge jazbasha túrde shaǵymdanýlaryńyzǵa bolady. Arnaıy bólim osy máselege baılanysty tıisti shara qabyldaıdy»,-dedi ol.
Sonymen qatar Músilimov jol-kólik oqıǵasyna qatysýshynyń biri kóliktegi memlekettik nómerin sheship tastap, polıtsııa qyzmetkerleri bul jaǵdaıǵa áreket etpese, atalǵan faktilerdi komıtetke habarlaý qajettigin aıtty
