Jol-kólik oqıǵasynan balalardyń jaraqat alýy alańdatady - Qyzylorda
QYZYLORDA. QazAqparat - Ústimizdegi jyldyń 4 aıynda oblys kóleminde balalardyń qatysýymen 12 jol-kólik oqıǵasy boldy. Onda 13 jetkinshek túrli dene jaraqatyn aldy, dep habarlaıdy QazAqparat tilshisi.
Bul ótken jyldyń osy kezeńimen salystyrǵanda birshama tómen. Degenmen jergilikti tártip saqshylaryn balalardyń jol-kólik oqıǵasy saldarynan jaraqattaný jaǵdaıy alańdatady. Osy maqsatta Syr óńirinde ústimizdegi jyldyń 1-31 mamyr aralyǵynda «Balalardyń joldaǵy qaýipsizdigi» atty jedel-profılaktıkalyq sharasy ótýde.
«Aktsııanyń maqsaty - balalardyń jol-kólik oqıǵasy saldarynan jaraqattanýynyń aldyn alý, kóshede qaýipsiz júrýin túsindirý. Sonymen qatar, jol qozǵalysy qaýipsizdigin qamtamasyz etý maqsatynda oblys ortalyǵyndaǵy mektepterdiń aldyndaǵy jol belgileri jańartylyp, jol-patrýldik polıtsııa qyzmetkerleri balalardyń joldan durys ótýin qatań qadaǵalaýda», - dedi jergilikti polıtsııa qyzmetiniń bólimshe bastyǵy Aıbol Aýkenov óńirlik kommýnıkatsııalar qyzmetinde ótken baspasóz máslıhatynda.
Aktsııa aıasynda balalardyń lagerlerge barý kezinde toptasyp tasymaldaý qaǵıdalary boıynsha jol qaýipsizdigine qatysty tıisti jumystar qolǵa alynady.
Ádiljan Úmbet
