Jol-kólik oqıǵalarynyń aldyn alýdyń onkúndigi bastaldy
«Onkúndik aıasynda respýblıkanyń barlyq aımaqtarynda jol júrý erejeleri týraly bilim deńgeıin kóterýge, dárigerge deıingi alǵashqy kómekti kórsetý qaǵıdalary týraly, ózin-ózi saqtaý minez-qulqyn qalyptastyrýǵa baǵyttalǵan barlyq múddeli taraptardyń qatysýymen dóńgelek stoldar, debattar, baspasóz konferentsııalary, semınar-trenıngter sııaqty is-sharalar ótkiziledi. QR DSÁDM travmatologııa jáne ortopedııa ǵylymı-zertteý ınstıtýtynyń málimetinshe, jyl saıyn respýblıkada jol-kólik apattary saldarynan 3 myńǵa jýyq adam qaıtys bolyp, 25 myńdaı adam ártúrli dárejedegi jaraqattanýlar alady, sonymen birge, orta eseppen 1 myń adam múgedekke shaldyǵady. JKO-dan bolatyn ólim syrtqy sebep-saldardan bolatyn ólim kórsetkishiniń 20%-yn quraıdy, onyń ishinde 76,5 paıyzy oqıǵa ornynda nemese tasymaldaý kezinde qaıtys bolady. 2015 jyly JKO nátıjesindegi jaraqattanýdan bolatyn ólim 19 paıyzǵa, múgedektik 20 paıyzǵa tómendedi»,-dep atap ótilgen mınıstrlik málimetinde.
Jol-kólik oqıǵalarynan zardap shekken azamattarǵa ýaqytyly medıtsınalyq kómek kórsetý úshin respýblıkalyq mańyzy bar avtojoldarda medıtsınalyq-qutqarý beketteri quryldy. Qazaqstanda múgedektik pen ólim jaǵdaılarynyń oryn almaýy maqsatynda jaraqattaný kezindegi medıtsınalyq kómek kórsetýdiń biriktirilgen úlgisi engizilýde. Ol halyqty áleýmettik qoldaý, ońaltý, dıspanserlik baqylaý, emdeý men aldyn alý keshendi sharalaryn qamtamasyz etedi.