Jol-kólik oqıǵalaryndaǵy balalar ólimi joǵary- mınıstrlik

NUR-SULTAN. QazAqparat – QR Іshki ister mınıstrligi Ákimshilik polıtsııa komıteti tóraǵasynyń mindetin atqarýshy Jandos Muratálıev balalardyń jol boıyn oıyn alańyna aınaldyrýy derekteri jıi kezdesetinin aıtty, dep habarlaıdy QazAqparat tilshisi.

«Memleket basshysy 2022 jyldy Balalar jyly dep jarııalaǵanyn bilesizder. Bıyl jetkinshekterge qatysty jol-kólik oqıǵalarynyń sany 5 paıyzǵa jáne JKO-dan zardap shekkender 2 paıyzǵa azaıǵanyn aıta ketý kerek. Degenmen, balalardyń jol-kólik oqıǵalaryndaǵy ólim-jitim deńgeıi áli de joǵary bolyp qalyp otyr», - dedi J. Muratálıev mınıstrlikte ótken brıfıngide.

Onyń aıtýynsha, kóbinese jol erejesin bilmegen nemese ony elemegen balalar jol-kólik oqıǵalarynyń sebepshisi bolyp jatady. Osy oraıda jetkinshekter jol bóligine oınaýǵa shyǵady, sondaı-aq belgilenbegen jerlerde kósheni kesip ótedi

«Kámeletke tolmaǵandardyń kinásinen 88 jol-kólik oqıǵasy tirkeldi (+ 9%, 2021 jyly – 81), onda 8 bala qaıtys bolyp, 99 bala jaraqat aldy», - dedi vedomstvo ókili.

Budan buryn habarlanǵandaı, 2022 jyly Qazaqstanda jol-kólik apattary kóbeıdi.