Jol-kólik oqıǵalarynan japa shegetinder kórsetkishi boıynsha Qazaqstannyń jaǵdaıy máz emes - S.Qaıyrbekova
ASTANA. QazAqparat - Jol-kólik oqıǵalarynan japa shegetinder kórsetkishi boıynsha Qazaqstannyń jaǵdaıy máz emes. Búgin Májilistegi Úkimet saǵatynda Densaýlyq saqtaý mınıstri Salıdat Qaıyrbekova osylaı dep málimdedi.
Mınıstrdiń sózine qaraǵanda, jyl saıyn jol-kólik oqıǵalarynan shamamen 3 myńǵa tarta adam qaıtys bolsa, 29 myńnan astam adam jaraqat alady. «Qazirgi tańda biz bul kórsetkishti tómendetý boıynsha álemniń barynsha damyǵan elderinen birneshe ese artta qalyp kelemiz. Sondyqtan, qazir osy másele boıynsha sektoraralyq ózara tıimdilikti nyǵaıtý úshin bar kúshimizdi salýǵa tıispiz», - dedi mınıstr.
Osy rette vedomstvo basshysy jol-kólik oqıǵalarynan zardap shekkenderdi emdeýge jatqyzǵanǵa deıin jáne emdeýge jatqyzý kezeńinde shuǵyl medıtsınalyq kómek kórsetýdiń tyń talaptary engizilgenin aıtyp ótti.
Toqtala ketetin jaıt, elimizdegi ólim-jitim sebepteriniń qatarynda úshinshi oryndy jazataıym oqıǵalar saldarynan jaraqattanýlar alady.
