Jol-kólik apatynda bir adam mert bolyp, 1 jolaýshy jaraqattandy
KÓKShETAÝ. Qarashanyń 12-si. QazAqparat /Janmurat Janaıdarov/ -Aqmola oblystyq tótenshe jaǵdaılar jónindegi departamenttiń baspasóz qyzmeti habarlaǵanyndaı, keshe túngi 23 saǵat 35 mınýtta Kókshetaý-Býrabaı kúre joly boıynda Gazel men BMV jeńil kóligi soqtyǵysyp, nátıjesinde adam shyǵyny tirkelgen,
dep habarlaıdy QazAqparat tilshisi.
Jeńil kólik júrgizýshisi 1971 jylǵy Zerendi selosynyń azamaty qarsy betke shyǵyp ketip, júk kóligimen soqtyǵysyp, sol jerde mert bolǵan. Al, jolaýshysy osy aýdanǵa qarasty Aıdarly aýylynyń turǵyny Býrabaı aýdandyq aýrýhanasyna jetkizilip, tıisti medıtsınalyq kómek kórsetildi.
Jyl basynan beri oblys kóleminde 70 myń jol-qozǵalys erejesin buzý oqıǵasy tirkelgen. Osy ýaqytta óńir joldarynda bolǵan 400-den astam jol apatynda 300 adam qaıǵyly qazaǵa ushyrap, 500-ge jýyǵy ártúrli dene jaraqatyn alǵan. Sonymen birge ishkilik iship jolǵa shyqqan 4 myń júrgizýshi qolǵa túsip, jyldamdyqty shamadan tys arttyrýǵa baılanysty 20 myń hattama toltyrylǵan.
