Jol-kólik apatyna ushyraǵan «Azııa» tobynyń ánshisi esin jıdy
ASTANA. QazAqparat - Jol-kólik apatyna ushyraǵan «Azııa» tobynyń ánshisi Renat Basıtov aýrýhanaǵa aýyr halde jetkizilgen. Ánshi jol boıy kóp qan joǵaltqan, dep habarlaıdy 31 arna.
Dárigerler shuǵyl túrde qan kerek degendikten, Renattyń jaqyndary men ónerdegi áriptesteri halyqtan kómek surap, birinen-soń biri áleýmettik jelilerge 4-shi toptaǵy qan kerektigin jaza bastaǵan. Osylaısha halyq apatqa túsken Renat Basıtovtiń jaǵdaıynyń nashar ekenin ǵalamtordan bilgen. Onyń paraqshasyna saýyǵyp ketýin tileıtin myńdaǵan SMS-ter keldi.
Oqıǵa bylaı bolǵan. Balqash qalasyna klıp túsirýge ketken «Azııa» toby juma kúni keri, Almatyǵa qaraı jolǵa shyqqan. Renattyń kóliginde top múshesi Nursultan, klıpke túsken aktrısa Azıza, bet árleýshi men shash sándeıtin maman bolǵan edi. Al toptyń taǵy bir múshesi Erbol arttarynan basqa kólikpen kele jatqan. Erboldyń aıtýynsha, kólik tizbektelip kele jatqan KamAZ-dardyń birine soǵylyp, alyp mashına sol jaǵymen jeńil kólikti qatty syryp ótken. Nátıjesinde kóliktiń Renat otyrǵan jaǵy túgel julynyp ketken.
Qazir eki otany aman-esen ótkergen Renat pen Azızanyń jaǵdaıy qalypty. «Olar kózderin ashyp, búginnen bastap tamaqtana bastady», - deıdi Erbol Sháripov.
Aıta keteıik, Renat Basıtov aq tústi djıp kóligin apatqa túserden nebári bir-aq kún buryn satyp alǵan eken.
