Jol-kólik apaty qaı óńirlerde jıi bolady

ASTANA. QazAqparat – Jyl saıyn elimizde 13 myń jol-kólik oqıǵasy tirkeledi. Bul týraly QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Joldaǵy qaýipsizdik jaǵdaıy – eldiń damý kórsetkishiniń biri. Jyl saıyn 13 myń jol-kólik oqıǵasy oryn alýda. 2 myńnan astam adam qaza taýyp, 18 myń adam jaraqat alýda», - dedi Іshki ister mınıstri Úkimettiń búgingi otyrysynda.

Mınıstrdiń aıtýynsha, sońǵy 4 jylda, ásirese, pandemııa kezinde jol apaty dınamıkasy tómendedi. Biraq shekteýler men blokpostar alynǵannan keıin bul kórsetkishter ósip jatyr.

«Mysaly, bıyl jol kólik oqıǵasy – 14%-ǵa, qaza tapqandar – 18%-ǵa, jaraqat alǵandar – 13%-ǵa ósken. Ásirese, Almaty qalasy, Almaty, Jambyl jáne Túrkistan oblystarynda jol apaty deńgeıi joǵary. Qazaqstan boıynsha barlyq kólik oqıǵasynyń 56% paıyzy, jaraqat alǵandardyń 55% paıyzy jáne qaza tapqandardyń 41% paıyzy dál osy óńirlerde tirkelgen», - dedi M. Ahmetjanov.