Jol-kólik apattarynyń 27 paıyzy telefonmen sóılesýden bolady
ALMATY. 11 naýryz. QazAqparat - «VympelKom» AAQ-y men «Neırokom» memlekettik emes mekemesiniń zertteýleri boıynsha, kólik basqarý kezinde mobıldi telefondy paıdalaný jol apaty yqtımaldyǵyn 4 ese arttyrady.
Al jol-kólik apattarynyń 27 paıyzy telefon paıdalanýǵa baılanysty oryn alady. Rólde telefonmen sóılesý adam reaktsııasyn 300 mılısekýndke tejeıdi. Osyǵan oraı «KaR-Tel» JShS-i Almaty qalasynyń ishki ister departamentimen birlesip Halyqaralyq áıelder kúnine oraı «Mobıldi etıket nemese áıelderdi 8 naýryzben quttyqtaımyz!» degen is-shara uıymdastyrdy.
«Almaty qalasynda jarty mıllıonnan astam kólik quraldary tirkelgen. Sonymen qatar, qalaǵa basqa aımaqtardan osynsha mólsherde kólikter keledi. Bul bizdiń megapolısimizdegi jaǵdaıdy óte qıyndatady. Beeline bastamasymen mereke kúni biz quqyq buzýshylyqtyń aldyn alýǵa baǵyttalǵan osy is-sharany ótkizdik. Onda kórsetilgen iltıpat pen gúlder áıelderge qýanysh syılap qana qoımaı, avtokólik basqarý barysynda mobıldi telefondy paıdalanýǵa tıym salynǵanyn taǵy bir márte eske salýǵa sebep bolǵany anyq», - deıdi Almaty qalasynyń ІІD Jol polıtsııasy basqarmasynyń bastyǵy Arman Sarbasov.
