Jol qaýipsizdigi – basty nazarda: sý tasqynyna daıyndyq kúsheıtildi
ASTANA. KAZINFORM – QazAvtoJol ulttyq kompanııasynyń SQO fılıalynyń mamandary sý tasqynyna qarsy is-sharalardy qarqyndy túrde júrgizip jatyr. Bul týraly Kólik mınıstrliginiń baspasóz qyzmeti málim etti.
Jolshylar kúsheıtilgen rejımde jumys atqaryp jatyr. Jedel áreket etý maqsatynda qaptar, ınertti materıaldar jáne qajetti qural-jabdyqtar daıyndaldy.
— Sý ótkizgish qubyrlar, aryqtar men sý burý arnalaryn tazartýǵa erekshe kóńil bólingen. Sý tasqyny jaǵdaıyna táýlik boıy monıtorıng júrgizilip otyr, — delingen habarlamada.
Negizgi mindet — avtomobıl joldarynda qozǵalys qaýipsizdigin qamtamasyz etý jáne sý basý qaýpiniń aldyn alý. Mamandardyń úılesimdi jumysy táýekelderdi azaıtyp, kez kelgen jaǵdaıda jedel áreket etýge múmkindik beredi.
Eske sala keteıik, buǵan deıin Soltústik Qazaqstan oblysy Aqjar aýdanyndaǵy joldardyń biri aǵyn sýdyń buzyp ótýine baılanysty ýaqytsha jabylǵanyn jazǵan edik. Qaýipsizdikti qamtamasyz etý maqsatynda jol ýchaskesinde kólik qozǵalysy ýaqytsha shekteldi. Eki jaqtan patrýldik polıtsııa beketteri qoıylyp, 4 qyzmetker men 2 patrýldik kólik kezekshilik atqaryp jatqany habarlandy.
