Jol qaýipsizdigine narazy qyrǵyzstandyqtar Facebook-tegi sýretterin jappaı aýystyrdy
ASTANA.QazAqparat - Jol kólik apttarynyń jıilep ketýine narazylyq bildirgen 1 myń 600-ge jýyq qyrǵyzstandyq azamat Facebook áleýmettik jelisindegi sýretterin aýystyrdy, dep habarlaıdy QazAqparat tilshisi.
Bastamashyl top belsendileri «Qaýipsiz qala qurýdy talap etemiz» degen habarlamamen «freım» qurdy. Áleýmettik jelidegi sýretterin ózgertkender qatarynda - tanymal ánshi Qaırat Primberdıev, bıznesmen Emıl Ýmetalıev, kınorejısser Nurbek Egen, zańger Jomart Joldoshevter de bar,
«Qaýipsiz qala qurýdy talap etemiz» bastamasy Bishkekte eki mektep oqýshysyn kólik qaǵyp ketkennen keıin paıda boldy.
Bastamashyl petıtsııa 2 myń 500 qyrǵyzstandyqtyń qolyn jınap úlgerdi. Osydan keıin, belsendiler sarapshylarmen birlesip jol qaýipsizdigin qamtamasyz etý sharalaryn jasady.
Qaýipsizdik keńesi ókilderiniń aıtýynsha, usynystardyń kópshiligi memlekettik sharalar keshenine engizilmekshi.
