Jol kartasynyń sheńberinde halyqty jumyspen qamtý máseleleri keıde formaldy túrde júrgizilgen - Esep komıteti
ASTANA. Naýryzdyń 17-si. QazAqparat /Qanat Mámetqazyuly/ - QR Respýblıkalyq bıýdjettiń atqarylýyn baqylaý jónindegi Esep komıteti Aqtóbe, Shyǵys Qazaqstan, Qaraǵandy jáne Qostanaı oblystarynda Jol kartasynyń iske asyrylý tıimdiligine júrgizgen baqylaýynyń nátıjelerin qorytyndylady,
dep habarlaıdy QazAqparat.
Baqylaý-taldaý is-sharalary barysynda Jol kartasyn iske asyrýdyń nátıjelerin kórsetetin áleýmettik-ekonomıkalyq tıimdiliktiń sapalyq kórsetkishteriniń bolmaǵany anyqtaldy. Jol kartasyn iske asyrýǵa bólingen bıýdjet qarjysyn paıdalanýdyń tıimdiligine josparlaýdaǵy kemshilikter de teris áserin tıgizgen. Máselen, 2009 jyly Jol kartasyn iske asyrýǵa arnalǵan qarjynyń jalpy kólemi oblystardyń, Astana men Almaty qalalarynyń ákimdikteri ázirlegen halyqty jumyspen qamtý kartasynyń negizinde belgilengen.
Sonymen birge, Eńbek jáne halyqty áleýmettik qorǵaý mınıstrligi óńirler bólinisindegi eńbek naryǵyna sapaly taldaýdy jasaı almady. Oblys ákimdikteri halyqty jumyspen qamtý kartalary boıynsha boljamdy kórsetkishterdi asyra kórsetip otyrǵan, al bul kórsetkishter bıýdjet qarjysyn bólý kezinde negizge alynǵan bolatyn. Nysanaly transfertter óńirler arasynda bólingende óńirlerdiń bıýdjettik qamtamasyz etilý deńgeıi eskerilmegen, bul keıbir oblystarda kórsetkishterdiń asyra kórsetilýine sebep boldy. Osy rette Jol kartasynyń úılestirýshisi retinde, ıaǵnı, qarjylandyrýdyń jalpy kólemin anyqtaýǵa jaýapty bolyp Eńbek jáne halyqty áleýmettik qorǵaý mınıstrligi belgilengen edi», delingen Esep komıtetiniń qorytyndysynda. Budan bólek, óńirler bólinisinde qarjylandyrý lımıtteriniń bólinýin taldaý barysynda respýblıkalyq bıýdjet qarajatynyń eń úlken kólemi birlesip qarjylandyrýdyń asa joǵary kólemin qamtamasyz etken oblystarǵa bólingeni anyqtalǵan. Osylaısha, óńirlerdegi eńbek naryǵynyń is júzindegi jaı-kúıi emes, óńirlerdiń bıýdjettik qamtamasyz etilýi qarjy bólý úshin negizgi ólshemderdiń biri bolyp otyrǵan.
Sonymen birge, esep komıteti Jol kartasynyń sheńberinde halyqty jumyspen qamtý máseleleri keıde formaldy túrde júrgizilgenin atap ótedi. Máselen, jumyspen qamtý organdary arqyly jumysqa ornalasqan adamdardy jumysqa ornalasqannan keıin alǵashqy 10 kún ishinde jumystan shyǵarý oqıǵalary anyqtaldy. Bos oryndar bolsa da, merdigerlik uıymdar jumyssyzdardyń ýaǵdalasylǵan sanyn jumysqa qabyldaý jónindegi sharttardy udaıy saqtaı bermegen.
Osyǵan oraı, Esep komıteti Eńbek jáne halyqty áleýmettik qorǵaý mınıstrligine Jol kartasynyń iske asyrylý qorytyndysyn kórsetetin áleýmettik-ekonomıkalyq tıimdiliktiń maqsatty ındıkatorlary men kórsetkishterin jetildirip bekitý jóninde usynys berdi. Óńirler bólinisinde eńbek naryǵynyń jaı-kúıine jasalatyn taldaýdyń sapasyn arttyryp, óńirlik eńbek naryǵyndaǵy shıelenistiń tıisti koeffıtsıenterin eskerý qajettigi kórsetildi.
