«Jol kartasyn» júzege asyrý jumystary bolashaqta da jalǵasýy kerek - Ekonomıkalyq damý jáne saýda mınıstrligi
Bul týraly ol búgin bıylǵy jyldyń birinshi toqsanyndaǵy elimizdiń áleýmettik-ekonomıkalyq damý qorytyndylaryna arnalǵan Úkimet otyrysynda málim etti, dep habarlaıdy QazAqparat.
Onyń aıtýynsha, bıylǵy jyldyń naýryz aıynda 2010-2014 jyldardy qamtıtyn eldiń ındýstrııalyq-ınnovatsııalyq damýyna qatysty arnaıy baǵdarlama qabyldandy. Atalmysh qujattyń maqsaty ındýstrııalandyrý tetigi arqyly el ekonomıkasynyń dıversıfıkatsııalanýyna úles qosý. «Sondaı-aq qujat negizinde respýblıkalyq jáne aımaqtyq mańyzy bar jobalardan turatyn Qazaqstandy ındýstrııalandyrý kartasy daıyndaldy. Buǵan qosa osy aıdyń ishinde úkimet tarapynan kásipkerlik sektordyń saýyǵýy men jańa bıznes-bastamalarǵa jáne eksportqa baǵyttalǵan óndiristerdi qoldaýǵa arnalǵan «Bıznestiń jol kartasy 2020» baǵdarlamasy qabyldandy. Osyǵan qaraı ortalyq jáne jergilikti atqarýshy organdar Indýstrııalandyrý kartasyna engen jobalardy iske asyrý úshin qurylys jumystaryn bastaýǵa qajetti jaǵdaılardyń barlyǵyn jasaýlary kerek», dedi J.Aıtjanova.
Onyń pikirinshe, oılaǵan maqsatqa sátimen qol jetkizý úshin jergilikti atqarýshy organda «Bıznestiń jol kartasy» baǵdarlamasynda qarastyrylǵan aımaqtardaǵy jumysty belsendi júrgizgen durys. «Al bólingen qarajatty der kezinde ıgerý kásipkerlikti qoldaýǵa jáne ekonomıkany qarjylandyrýǵa yqpal etedi dep senemiz. Osy oraıda aıta ketetin másele, Úkimet «Jol kartasyn» iske asyrýdy jalǵastyrýy kerek. Al memlekettik organdar men ulttyq kompanııalar ózderiniń jumystaryna qajet taýarlar men qyzmetterdi satyp alý barysynda otandyq ónimderdiń úlesin ulǵaıta bergenderi jón. Sebebi bul baǵytta júzege asyrylǵan osy ýaqytqa deıingi jumystardyń nátıjesinde ótken jyly otandyq ónimderdiń úlesi 60 paıyzǵa jetti», dedi mınıstr.
